II Bakolinto 6
6
Paolo Ekuimenesia Buno eli Mukiti Musoga wa Mulimo wa Kalaga mu Tubebe Tuage.
1Nuisue tukukitaga mulimo gamozi nage tukusengezia buno tamusekele mponga za Kalaga buliabulia. 2(Kubuno ubuatendile bune,
Mu nkungu ziwitabizizie nakungule,
Nu mu busi bua lonio nakukasizie:
Unguilila, kano kaluma nkungu ziwitabizibua; unguilila, kano kaluma buli busi bua lonio): #Yesaya 49:8. 3tatube ikitano liakukukia mu binsania buno mulimo weitu tagubingue; 4tondo mu binsania tukuikaka, anga bakiti ba Kalaga, mu nkiki nnene, mu tubebe, mu kuiyanina, mu bitondo bibibu, 5mu kulibulua, mu bikando, mu mulubu, mu mulimo, mu kulanga, mu kukanda; 6mu busoga, mu menge, mu kuikalila, mu mponga, mu Muuza Wasililila, mu lutundo luteli na buengelezi, 7muidagi lia bulili, mu magala ma Kalaga; ku ngabo za kuisanana za kuboko kuidume nu za kuboko kuikazi, 8ku lutanuno nu ku nsoni; ku kutendua bubi nu ku kutendua busoga; anga bengelezi, tondo tuli bantu ba bulili; 9anga batakumenyua, nu bakumenyua; anga bakua, nu kasi tuli na kalamo; anga basungibua, nu bateitua; 10anga beli na kabebe, tondo bindi binsania tukubogaboga, anga bazambi, tondo tukugumia beingi; anga beteli na kena, tondo tuli na binsania.
11Tukumutenda bunsania, inyue baKolinto, tuamulimbulila mitima zeitu. 12Tatukumogoga, tondo inyue benyene ubakuiyogogia. 13Umpanga buno, mulige bumuakasilue (nkutenda neinyue anga ku bana bane); mulimbule mitima.
Bantu ba Kalaga Tabeingile mu Bitondo bia Batakatizia.
14Tamuingile mu bitondo bia batakatizia: #6:14 Musumo wa Kilega: Babutua blisa liso ga luginga ntuise liobe, nti liobe liabuga. kubuno mugomio mukizi uli gasamba kuisanana nu kuteisanana? Aba, mugomio mukizi uli gasamba kiengi nu kapilo? 15Nu mugomio mukizi uli gasamba Klisto nu Beliala? aba wakatizia eli na mugomio mukizi na utakatizia? 16Nu mugomio mukizi uli gasamba numba za kukumbamina Kalaga na nkisi? kubuno inyue muli numba za Kalaga uli Mulami; anga buatendile Kalaga bune, Kubuno nkekala mubeli, nu munkatini muabo nkatabanga gabasamba; nunne nkaba Kalaga wabo, nubo bakaba bantu bane. #Lewitiki 26:11, 12; Yelemia 31:1.
17Ku bubuno tukazi ku beli,
Mulekanukibue nabo, bubo ubuatendile Mukota,
Nu tamuitubie ku kinsania kili nsese;
Nunne namusekele, #Yesaya 52:11.
18Nabe Soeinyue,
Nuinyue muabe bana bane bamulume nu bamukazi,
Bubo ubuatendile Mukota uli na magala mansania.
Currently Selected:
II Bakolinto 6: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
