II Bakolinto 5
5
1Kubuno tuizi buno, ndi numba za mubili weitu wa kisi zasambulua, nti tuli na numba zikatuka ku Kalaga; zitakitilue na maboko, zitanakubiga zili mu meigulu. 2Kubuno isue mu zeno tukutonga, tukutunda nunse kuigibua na numba zeitu zikatuka kuigulu: 3ndi tuasila kuigibua tatukeida numba. 4Kubuno isue beli mu numba zeno za kisi tukutonga tukuima: ta kubuno tukutunda kuigibua, tondo kuiga muingo, buno kalamo kakinde lukuo. 5Umpanga we watukitile bubuno u Kalaga, uwatukasile kalingilo ka Muuza. 6Umpanga bindi binsania tuli na mitima zalinda, tuizi buno, nkungu zituli mu mubili, tatukumonana na Mukota. 7(Kubuno ku bukatizio tukuendaga, tondo ta kukumona); 8tondo tuli na mitima zalinda, natenda, buli busoga nunse, kutuka ku mubili, nu kuikala gamozi na Mukota. 9Ku bubo, ndi tuli gano aba ndi tatuli gano, tuli na lutundo lua kumutananizia. 10Kubuno isue bansania tuatunganana kuimana ku kisumbi kia lusungio lua Klisto; buno na muntu na muntu akasue lukalilo luage anga buabezaga ekukita, ndi busoga aba ndi bubi.
Basozi Bekukita Mulimo wa Mukota wa Babo nu Zikaba Mbogimbogi za Yesu Klisto.
11Umpanga ndi tukukua Mukota boba, kasi tulute bango bantu, kubuno Kalaga etuizi; nu nkulemanina buno nuinyue mutuizi. 12Kubuno tatukuika kumuli lingo, tondo tukutunda muikakila mutuli, buno muakule babo bekuikaka buliabulia, tondo ta ku bitondo bia bulili. 13Umpanga ndi menge meitu matulenga, nti kabamba ka Kalaga, aba ndi tuli na menge meitu, nti ku kabamba keinyu. 14Kubuno lutundo lua Klisto lukutusindika; buno tukumenya bubuno, ndi umozi akuilide bansania, nti bansania bakule; 15nuwe akuilide bansania, buno beli balami tabalame ku kabamba kabo bobenyene, tondo ku wozo wakule nu wayukile ku kabamba kabo. 16Tondo kano kaluma tatukumenyinina muntu ku lukita lua mubili; anga butuamenyinine Klisto ku lukita lua mubili, tondo tatukumumenyinina nunse. 17Ububo ndi muntu eli mu Klisto, nti eli kibumbua kito: biakulinga biatingile: nu binsania bise bito. 18Tondo binsania bikutukaga ku Kalaga, watukulumanizie nage we wenyene ku Yesu Klisto, nu atukasile mulimo wa bukulumania; 19ku bubuno, Kalaga abezaga mu Klisto, akulumanizie kisi nage we wenyene, ntabatekuilide buagi buabo, nuwe abikile idagi liage lia bukulumania mutuli.
20Tuli basingua ba Klisto, anga bualagile Kalaga buno tusambale: tukumusengezia muizina lia Klisto, mukulumanibue na Kalaga. 21Kubuno amukitile we uteizi buagi kuba buagi ku kabamba keitu; buno isue tuisanane ku Kalaga mueli.
Currently Selected:
II Bakolinto 5: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
