II Bakolinto 13
13
1Lilino u liane lia masatu kuvua kumuli. Ku tunua tua balongeki babili aba basatu kitondo na kitondo kikokomene. #Dutelenome 19:15.
2Nasilile kumuana kalazi, nu nkumuana nunse, anga bunabezagago limbizi lia mabili bubo, kano kaluma ganteligo, nkubasanzila babo bagile wakalazi, nu ku bango bansania buno, kungua navua nsiakue kiombo; 3kukuba mukulonda kakengelesio ka Klisto ukutenda mundi; we utatamba kumuli, tondo uli na magala mumuli: 4kubuno aba atakilue mu mutambo, tondo ekulamaga ku magala ma Kalaga. Kubuno nuisue tuli na mutambo mueli, tondo tukalamaga gamozi nage ku magala ma Kalaga meli mumuli. 5Idindikazi inyue benyene, ndi muli mu bukatizio; muidolesie mubenyene. Aba tamuizi buno Yesu Klisto eli mumuli? ndi tamuasombua. 6Tondo nkulemanina buno muamenye buno isue tatuasombua. 7Nu kano kaluma tukusega Kalaga tamukite bubo bunsania buli bubi; ta buno tutundue, tondo buno inyue mukite busoga, aba ndi tuli anga basombua. 8Kubuno tatunavuama kubigia bulili, tondo kukita bulili. 9Kubuno kungua tuatamba nti tukubogaboga, nuinyue nti muli na magala: nu tukusega buno, musililile. 10Ku bubuno nasanza bitondo bibino nu nsiliko, ninavua kuzuga kungua niliko ku buangato bubo bunakasilue na Mukota buno nilindie, ta kuandabania.
11Umpanga, mibuto zane, musililile; mubogeboge; mube na makengelo mamozi; muikale mu bubobelelo: nu Kalaga wa lutundo nu bubobelelo abe gamozi neinyue. 12Sambizaniazi na mbogimbogi.
13Basuagibua bansania bamusambizia.
14Mponga za Mukota Yesu Klisto, nu lutundo lua Kalaga, nu mugomio wa Muuza Wasililila, bikale neinyue bansania.
Currently Selected:
II Bakolinto 13: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
