Bagalatia 1
1
Mukanda Wasingaga Paolo ku baGalatia. Paolo Ekubasambizia.
1Paolo, musingua (ta wa bantu, aba ntasingilue na muntu, tondo na Yesu Klisto, nu Kalaga Isi wamuyukizie ku bakuzi), 2nu mibuto insania beli gamozi nanne, ku maekelezia ma ku Galatia: 3mponga zibe kumuli nu bubobelelo bukutukaga ku Kalaga Isi nu ku Mukota weitu Yesu Klisto, 4wikasene wenyene ku kabamba ka misako za buagi bueitu, buno atonie ku kisi kikino kibi kia kano kaluma, anga buli kusombola kua Kalaga Tateisue: 5aganunue ku nkiko na nkiko. Amena.
BaGalatia Basombile Musagu Musoga nu Batundile Ungo.
6Nangama na bumuasasia kusiga wozo wamumanine mu mponga za Klisto nu kugalukila ungo musagu wa lungo lukita; 7aba takuli ungo musagu musoga: tondo bantu bekumuzangiazangia, nu bekutunda kugalukia musagu musoga wa Klisto. 8Tondo ndi isue, aba mugenzi wa kuigulu, ukamusambalila ungo musagu uteli wozo utuamusambalide, asuililue. 9Anga bunalingile kutenda, nu kano kaluma nkutenda lingo, muntu unsania ndi amusambalila ungo musagu uteli wozo umuasambalidue, asuililue. 10Kubuno kano kaluma ndi nkulonda bunene bua bantu, aba bua Kalaga? aba ndi nkutunda kutananizia bantu? songo natananizagia bantu, songo nsinabede mukobe wa Klisto.
Meigisia ma Paolo Matukile ku Yesu.
11Kubuno namumenesia, mibuto zane, buno, musagu musoga unasambede, ta wa lukita lua bantu. 12Kubuno nsiagusambalidue na muntu, aba nsigisizibue, tondo nagulolesizibue na Yesu Klisto. 13Kubuno mungule ku musagu wa misako zane mu mpala za baYuda, anga bubo bunitide kubabazia ekelezia lia Kalaga, nu nalisungizie: 14nunne nakulile mu mpala za baYuda kutinga beingi ba lugi luane mu kilongo kiane, nasasizie kumenya misumo za batateisue. 15Tondo Kalaga, ansombuede ganabezaga nkili munda za mmane, nu amanine ku mponga zage, 16kumenesia Muana wage mundi, buno nisambalile baBilongo musagu wage; nsiakalile luango na bango bantu: 17aba nsiendile ku Yelusalema ku babo babezaga basingua batangi; tondo nendile yiliyili ku Alaba; nu nasubizie lingo ku Dameseke.
18Ububo gasilile miaka esatu nendile ku Yelusalema kumonana na Kefa, nikede kuage bindi ikumi na bitano. 19Tondo nsiamonine kungo musingua, umpanga Yakobo muto wa Yesu. 20Nu bitondo binamusanzila, unguililazi, ku Kalaga, nsikueka buza. 21Umpanga nendile ku bisi bia Sulia nu Kilikia. 22Tondo nsiamoneneko na maekelezia ma Yudaya mabezaga mu Klisto: 23tondo bongule tugu buno, we watusungagia wakalazi kano kaluma ekusambala bukatizio bubo buasungagia wakalazi; 24nu baganuine Kalaga ku kabamba kane.
Currently Selected:
Bagalatia 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
