II Bakolinto 12
12
1Nkuikaka, aba tabuatunganana; tondo nkabasa ku tulolesio nu malimbulo ma Mukota. 2Nizi muntu umozi mu Klisto, gesegatinga miaka ikumi nu inazi (ndi abezaga mu mubili, nsizi; aba ndi atukile mu mubili, nsizi; Kalaga u wizi), muntu wozo azanzuidue mu mpelela aba nu kuigulu lia masatu. 3Nunne nizi muntu wozo (ndi abezaga mu mubili, aba ndi atukile mu mubili, nsizi; Kalaga u wizi), 4bubuno azanzuidue mu Palatiso, ungule bitondo bitanavuamua kutendua, nu bitanavuama kutenda muntu. 5Kabamba ka wozo neikake: tondo kundi nnenyene nsikake, umpanga ku mutambo wane. 6Kubuno ndi ninatunda kuikaka, tondo nsinaba kikongolo; kubuno ninatenda bulili: tondo nkuisungula, buno muntu ntankengele kutinga buamonine kundi, aba bungule ku kanua kane. 7Nu ku kabamba ka bunene malimbulo mamano, buno nsikotie nunse, nakominue mukele mu mubili, mugenzi wa Satana kundibula, ninavua kuikotia nunse. 8Ku bubuno nasegile Mukota mambizi masatu, buno nigutuke. 9Ambuide bune, Mponga zane zakuka kuguli; kubuno magala mane masililila mu mutambo. Umpanga nikake mu mutambo wane, buno magala ma Klisto mabe mundi. 10Ku bubuno nkubogaboga mu mutambo, mu kuitoa, mu kuiyanina, mu nsungio, mu biziki bibibu, ku kabamba ka Klisto: kubuno kungua natamba, nti nili na magala.
11Nabede kikongolo: inyue muansindikile; kubuno buantunganene niganunue neinyue: kubuno nsidile kena kukeli na basingua babo banene. 12Bulili, tulolesio tua musingua tuakitilue munkatini muenyu mu komanizia kansania, ku tulolesio nu maganogano, nu makitilo ma magala. 13Kubuno kikizi kimuidile kutinga mango maekelezia ma Kalaga, umpanga nne nsiamukutizie? Munsigilile kitondo kikino kibi.
14Unguililazi, lilino limbizi lia masatu nili kayikayika kuvua kumuli; aba nsiamukutizie: kubuno nsikulonda bikulo bienyu, tondo inyue: kubuno tabuatunganana bana kubikila bababuta, tondo bababuta kubikila bana. 15Nu nkubogaboga nunse kukasa nu kuikasana ku kabamba ka kalamo keinyu; ndi nkumutunda nunse, nti nakokoke kutundua? 16Tondo bube bubo, nne nsiamukutizie; tondo, kukuba nili na menge, namukatile na buenge. 17Ndi namonine ku mutali weinyu ku muntu umozi wa babo banasingile kumuli? 18Nasengezizie Tito kuenda kumuli, nu namusingile na mubuto weitu. Ndi Tito amonine ku mutali kumuli? Ndi tatuendile mu muuza umozi? Nu masomoneno mamozi?
Paolo Ekubakengelezia.
19Mukukengela buno, tukuisuagia kumuli. Ku Kalaga tukutenda bitondo bibino binsania mu Klisto; nu, batundua bane, bili ku kabamba kakumulindia. 20Kubuno nkukua boba, mu kuvua kuane, ninavua kumusanga, tanga bubo bunkutunda kumusanga; nunne namoneke anga bubo bumutakutunda; ninavua kusanga embe miango, nu lugi, nu bongoa, nu nsake, nu kukandika, nu manungunungu, nu luikotio, nu kazege; 21nunne ganavue lingo Kalaga wane anavua kumbotia munkatini mueinyu, nu nkalilila beingi babezaga bagi ba wakalazi, nu tabeiyanizie ku nsese, nu butazi, nu ntundo mbi zibakitile.
Currently Selected:
II Bakolinto 12: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
