1 Petelo 4
4
Klisto Asungizibue Buno Tube Basoga.
1Umpanga kubuno Klisto ababazizibue ku mubili, nuinyue agatazi ngabo za makengelo mamo, kubuno we wababazizibue ku mubili, alekanukile na buagi; 2bubo tamulame kalamo kansania keinyu ku ntundo za bumba bua buagi aba ku ntundo mbi za bantu, tondo ku kusombola kua Kalaga. 3Kubuno zezo nkungu zaiingile kalazi zinasuagile kukita bukutunda baBilongo, ku kukita butazi, nu ntundo mbi, nu kukatua na maku, nu kisagulo kia buliagundu, nu kunua maku, nu kukumbamina nkisi zitasuaga: 4nu bangamine buno tamukuenda nabo mu misako zabo zitasuaga, nu kumulinga nunse: 5nubo bakasambala bunsania ku wozo uli kayikayika kusungia balami nu bakuzi. 6Kubuno bakuzi nubo basambalidue musagu musoga, buno nubo basungibue mu bumba bua mubili, anga bukusungibua bantu, buno balame mu Muuza anga bukulamaga Kalaga.
7Tondo binsania bisavua kuzinda; umpanga mube na menge, nu kukokomena mu masego; 8kuitila nunse mutundane nunsania; kubuno kutundana ku kukukila misako mingi za buagi: 9sekelanazi tondo tamugambane: 10bubo nawe nawe nagukitila bango anga buakasilue anga bakiti basoga ba mponga ningi zili kua Kalaga; 11ndi muntu ekusambala, nti asambale meigisia ma Kalaga; nu ndi muntu ekuigisia, nti eigisia na magala makasua na Kalaga; bubo mu bitondo binsania Kalaga aganunue mu Yesu Klisto, kueli kuli lutanuno nu magala matanakuzinda. Amena.
BaKlisto Basungibue anga Buasungizibue Klisto.
12Batundua bane, tamuitangale kuidindiko anga lia keiya likumubasila, nu likumugeleka, nu likumuangamia: 13tondo ndi mukusungibua anga buasungizibue Klisto, bogazibogazi; buno gakalolesibua lutanuno luage, mukabogaboga na mbogimbogi nunse. 14Ndi muasungibua ku kabamba keizina lia Klisto, nti muli na mbogimbogi; kubuno Muuza wa lutanuno u Muuza wa Kalaga amuikalila, 15Tondo umozi wa kumuli ntasungibue anga muiti, aba anga muibi, aba anga mukiti wa bubi, aba anga ukuiyingizia mu nsake za bango bantu: 16tondo ndi muntu ekusungibua buno eli muKlisto, ntabe na nsoni; tondo aganune Kalaga muizina lilino. 17Kubuno nkungu za kusungibua zakuka, tondo lusungio lualinga ku kikanga kia Kalaga; nu ndi lualinga kutuli, kuni kukazindila babo batanza nu batakatizia musagu wa Kalaga? 18Nu ndi wozo wisanana onibua gasongo ku lusungio wozo utakatizia Kalaga nu muagi buni buakonibua? 19tondo babo bekusungibua ku kusombola kua Kalaga bakukita busoga ndi babika tulamo tuabo mu maboko ma Mubumbi mukatizia.
Currently Selected:
1 Petelo 4: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
