1 Petelo 2
2
Yesu Eli Ikozi lia Kapindapinda.
1Umpanga sigazi bubi bunsania, nu sigazi luikotio lunsania, nu buengelezi, nu lugi, kukandikia kunsania kubi, 2anga bana bato, tundazi mabele masoga ma bulili meteli na buengelezi, kububo mukule mu lonio; 3ndi muamenyine buno, Mukota eli na mponga: 4nu mukumuvuila, we ikozi lia kalamo, liasombilue na bantu, tondo liasombuedue ku Kalaga, nu lili lia bukunza bubibu, 5nuinyue, muli anga makozi ma kalamo, mobakilue buno mube numba za Muuza, nu busankoga buasililila; kasanazi bisansa bia mutima musoga, biatananina ku Kalaga mu Yesu Klisto. 6Kubuno bubo buli mu masanzo,
Unguililazi, nabika mu Siona ikozi inene lia kapindapinda,
liasombuedue, nu lia bukunza bubibu:
Nu walikatizia ntakakua na nsoni.#Yesaya 28:16.
7Tondo bukunza bubuno buli kumuli bamukatizia, tondo ku batakatizia eli
Ikozi liasombagua na bobaki,
Lilio liabezaga ikozi inene lia kapindapinda; #Luimbo 118:22.
8nu,
Lili ikozi liakuikukako na magulu, nu luanda lua kugua galo; kubuno bakuikuka kuidagi lilio, kubuno bananine: nu babikilue bubo.#Yesaya 8:14. 9Tondo inyue muli kikanga kiasombuedue, basankoga ba bukota, kilongo kiasuagibua, bantu babikilue kua Kalaga, buno musambale magala ma wozo wamumanine buno mutuke ku kapilo, nu muingide ku kiengi kiage kia kuangamia: 10wakalazi tamuabezaga bantu bage, tondo kano kaluma museli bantu ba Kalaga: tamuakuilidue kiombo, tondo kano kaluma muse muakubua kiombo.
Ndi Bakatizia Bekukita Busoga Bango Banakatizia.
11Batundua bane, nkumusengezia anga batingi nu beinzi, sigazi ntundo za bumba bua buagi, zimukuluana nazo; 12kitazi misako misoga ku baBilongo; aba ndi bekumubula buno muli bakiti ba bubi, tondo ndi bekumona ku misako zeinyu misoga, baganune Kalaga busi bua kumonekako.
13Anzazi kio kinsania kimukukakizibua na bantu ku kabamba ka Mukota: aba ndi eli mukota munene; 14aba ndi bakota bekusingua nage kusungia babo babi nu kuganunua na babo basoga. 15Kubuno ukusombola kua Kalaga, ku kukita busoga bikongolo tabinatenda bungo: 16anga bakandulua, tondo tabukuanga bukandulua ku kubisa buagi, tondo mube anga bakobe ba Kalaga. 17Anzazi bantu bansania. Tundazi mibuto zeinyu. Kuazi Kalaga boba. Anzazi mukota munene.
Kitondo kia Bakiti nu Bakota.
18Bakiti, anzazi bakota beinyu nu bakuazi boba; ta babo beli basoga nu babo babota kankanka, tondo nu babo bakali nubo.
19Kubuno bubuno ubusoga nunsania, muntu kusigilila kabebe, kukukengela Kalaga, gakusungibua kubuteisa. 20Kubuno luli luganuno lukizi kuikalila, gamukuaga nu kulibulua ngizi? tondo gamukukita busoga nu kuikalila lusungio, bubo buli busoga nunse ku Kalaga. 21Kububo, ukinsa muamaninue; kubuno Klisto nuwe ababazizibue ku kabamba keinyu, atusigide kalolesio, buno muyange mu masomoneno mage: 22we ntakitile buagi, nu mu kanua kage tamuatukile nunse kitondo kibi: 23we alingilue, tondo ntasubizie bilingano; asungizibue, ntasalimizie muntu; tondo eikasene ku wozo musungia weisanana: 24ku mubili wage wenyene, ekile misako zeitu za buagi ku muti, buno tulekane ku misako za buagi, nu kulamaga ku kuisanana; nu ku kulibulua kuage monezibue. 25Kubuno muabezaga anga mikoko zazimina; tondo kano kaluma muasubia ku Mulangi nu Mukulu wa tulamo tueinyu.
Currently Selected:
1 Petelo 2: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
