1 Yoana 4
4
Bantu ba Kalaga Bakamenyinina Miuza.
1Batundua bane, tamukatizie muuza na muuza, tondo muzimenyinine buno ndi zikutuka ku Kalaga; kubuno balengania beingi ba buza beseli mu kisi. 2Ku bubo muizi Muuza wa Kalaga: nu na muuza na muuza witabizagia buno Yesu Klisto abutilue mu mubili, wozo nti watuka ku Kalaga: 3nu na muuza na muuza utakuitabizagia Yesu, wozo nti tagukutuka ku Kalaga: nu wozo nti u muuza wa musombi wa Klisto, umunguleko wavuaga; nu kano kaluma useli mu kisi. 4Bana bane bakeke, inyue muli ba Kalaga, nu muabakindile: kubuno we uli mumuli eli munene kutinga we uli mu kisi. 5Babano beli ba kisi: kubuno bekutenda bia kisi, nu kikubonguaga. 6Isue tuli ba Kalaga: wozo ukumenyaga Kalaga ekutunguaga; nu wozo uteli wa Kalaga ntakutunguaga. Kububo tuizi muuza wa bulili, nu muuza wa buza.
Babe na Lutundo.
7Batundua bane, tutundanazi; kubuno lutundo luli lua Kalaga; nu muntu na muntu ukutundaga nti abutua na Kalaga, nuwe nti eizi Kalaga. 8We utakutundaga nti nteizi Kalaga; kubuno Kalaga eli lutundo. 9Ku bubo lutundo lua Kalaga luamonekile kutuli, kubuno Kalaga asingile Muana wage wa ngomo mu kisi, buno tulame mueli. 10Nu luluno u lutundo, ta kubuno isue tuatundile Kalaga, tondo kubuno we atutundile, nu asingile Muana wage kuba mukulumania wa misako zeitu za buagi. 11Batundua bane, ndi Kalaga atutundile nunse, buatunganana nuisue tutundane. 12Takuli muntu wamuene ku Kalaga aba limbizi limozi; ndi tuatundana, Kalaga nti ekuikalaga mutuli, nu lutundo luage nti luasililizibua mutuli: 13kububuno tuizi buno tukuikalaga mueli nuwe mutuli, kubuno atukasile Muuza wage. 14Nuisue tuamonine nu tukulongeka buno Isi asingile Muana wage buno abe Monia wa kisi. 15Na muntu unsania witabizia buno Yesu eli Muana wa Kalaga, Kalaga nti ekuikalaga mueli, nuwe mu Kalaga. 16Nuisue tuamenyinina nu tuakatizia lutundo lua Kalaga ku kabamba keitu. Kalaga eli lutundo; nu unsania ukuikalaga mu lutundo, nti ekuikalaga mu Kalaga, nu Kalaga nti ekuikalaga mueli. 17Bubuno lutundo luasililizibua kutuli, tube na bupuka mu busi bua lusungio; kubuno anga bueli, ububo butuli nuisue mu kisi kikino. 18Mu lutundo tamuli boba; tondo lutundo luasililila lukutikia boba, kubuno boba buli na lusungio; nu moba ntasililila mu lutundo. 19Tuatunda, kubuno we atutundile. 20Ndi muntu atenda bune, Natunda Kalaga, nu ekusombaga mubuto wage, nti eli muza; kubuno ndi ntakutundaga mubuto wage wakumonako, buni buanatunda Kalaga, watakumonagako? 21Nu kuko kukakizia kuatukile kueli, wozo ukutundaga Kalaga nti atunda mubuto wage.
Currently Selected:
1 Yoana 4: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
