Ba-Loma 6
6
1LIM’AKO, iso tifokela mo? Na, tosekwa nd’obe wete boya bofule? 2O nye; is’awaki ele bobe, tifokenda lenkina nd’obe ngamo? 3Kamb’inyo lofea wae is’auma bandinamaki ele Masiya Yesu, tinamaki nd’iwa ikae? 4Nd’ewela eko, tokundamaki l’ende l’inamelo nd’iwa; wae ngoki Masiya oetswaka lim’ele bawei la mpamba ea jilangi ja Fafa, nk’eleng’eko iso tokende nda loiko j’aeyoko. 5Ng’iso toamana l’ende nd’esonganya ea iwa ikande, tifoamana l’ende nd’esonganya ea eetswelo ekande lim’iwa ngoko; 6tea joi line wae bont’okiso oki joso aakemaki l’ende nd’ekulusu, wete jonge ja bobe liomame, wae iso tofoyaleme lenkina nda likwala ja bobe; 7el’ende owaki aoyengwa boyengo lim’obe. 8Lolo nkina towaki la Masiya, timeza wae tifoika l’ende: 9tea wete Masiya aetswa lim’ele bawei, ko afut’owa lenkina nye; iwa ifaoata lenkina mpifo el’ende. 10Eki iwa iki’nd’owaka, awaki ele bobe bowa bomoko kika: lolo loiko loyoik’ende, ayoike ele Nzakomba. 11Nk’eleng’eko, lotang’inyo mongo bawei ele bobe, lolo bayoike ele Nzakomba la Masiya Yesu.
12Nd’ewela eko, talolangake bobe boate mpifo e’okulaka nda jonge likinyo j’iwa, wae lokele baoyi ba mposa ya liko; 13ko talolekyake bilama bikinyo ele bobe nga bifeko bia baoyi basamba liongi; lolo loleky’inyo mongo ele Nzakomba ngole banto bayoike lim’ele bawei, ko bilama bikinyo nga bifeko bia liongi ele Nzakomba. 14Ele bobe bofaata mpifo e’okulaka el’inyo; nd’ewel’ef’inyo nda mpifo ea bisekyelo, lolo lole nda mpifo e’oya.
15Limo na? Na, tokel’obe, ef’iso nda mpifo ea bisekyelo, lolo tole nda mpifo e’oya? O nye. 16Lofea nde, nga loleky’inyo mongo el’onto nga bakwala wae lofik’ende la lifiki, loyalema bakwala ba bont’oko ofik’inyo la lifiki, nkina ba bobe nd’iwa, nkina b’imeezo ea lifiki nda liongi? 17Lolo tosima Nzakomba boya, ek’iny’aki bakwala ba bobe lofikaki la lifiki lim’otema litanda ja lilako lik’iny’olakemaka; 18ko ak’iny’otungwaka lim’obe, loyalemaki bakwala ba liongi. 19Ntefela ngole banto nd’ewela ea ingoi ya jonge likinyo: elenge ek’iny’olekyaka bilama bikinyo nga bakwala ba linyamo la bosesengano w’obe bondiela nd’osesengano w’obe, nk’eleng’eko aeyoko lolekya bilama bikinyo nga bakwala ba liongi lindiela nd’oeko. 20Ak’inyo bakwala ba bobe, ntaloki nda likwala ja liongi. 21Bamuka bak’iny’oataka nd’ekek’eko nd’aoyi’ako bandokinyo nsoi aeyoko na? ele nsukela ea baoyi’ako ele nk’iwa. 22Lolo aeyoko lotungwa lim’obe, ko loyalema bakwala ba Nzakomba, loata bamuka’akinyo nda boeko, ko nsukela ele wae loiko ja seko. 23Ele bofuto wa bobe bole iwa, lolo nganji ea Nzakomba ele wete loiko ja seko ele Masiya Yesu Nkolo ekiso.
Currently Selected:
Ba-Loma 6: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
