Ba-Loma 5
5
1ND’EWELA eko, is’ayengwa boyengo l’imeezo, toata kuci la Nzakomba nd’ewela ea Nkolo ekiso Yesu Masiya; 2koko toata otswelo l’imeezo nd’oya bone bondemal’iso o nd’ewela ekande; ko tosalangana nda lolendezo j’imemya ya Nzakomba. 3Ko af’eleng’eko kika, lolo tosalangana nda bielo binden’iso: tea wae elo iezaka ikelo e’otema, 4ko ikelo e’otema iezaka elonga nda lomeko, ko elonga nda lomeko iezaka lolendezo: 5ko lolendezo lofotokya nsoi; ele eefe ea Nzakomba eolutezama nd’etema’ekiso la Bolimo w’olotsi okaemaki el’iso. 6Ak’iso l’ingoi, Masiya awaki nd’ekeke endeji nd’eloko e’anto bafa l’elenge ea Nzakomba. 7Bonto afolang’olotsi wae awe nd’eloko e’onto owa liongi: lolo nkina bont’omoko ifokusa lowa nd’eloko e’onto ow’olotsi. 8Lolonde Nzakomba aoteneya eefe etok’ende mongo wae, ak’iso banto b’obe, Masiya awaki nd’eloko ekiso. 9Ko joi lindekola, wete is’ayengwa boyengo aeyoko l’alongo’akande, tifoika lima nkele ea Nzakomba l’ende. 10Ng’ak’iso baini, toamanaki la Nzakomba nd’oseka l’iwa ya Bona’okande owa jende, joi lindekola wae aeyoko, aaman’iso nd’oseka la Nzakomba, tifoika la loiko lokande; 11ko afa ngoko kika, lolo iso tosalangana ele Nzakomba la Nkolo ekiso Yesu Masiya, aeyoko toata eamanelo e’oseka l’ende.
12Nd’ewela eko, ngoki bobe wotswaka nd’okili la bont’omoko, ko iwa ioliela la bobe; nk’eleng’eko iwa iokit’ele bant’auma, eki bant’auma okelaka bobe; 13bobe boki nd’okili, aki bisekyelo otasekyamaka: lolo ayaka bisekyelo bitasekyama, bobe bofoandema el’onto. 14Lolonde lima Adama elaka nko Mose iwa iki la mpifo e’okulaka, ko iokita o nk’el’iyo bakelak’obe botakosongi la boseketano boki Adama, ole esonganya ea bonto oyei. 15Lolo nganji eocikwana la boseketano. Nd’ewela wae, ayaka bant’auke bawaki la boseketano wa bont’omoko, boya wa Nzakomba ko la nganji ekaemaki la boya wa bont’omoko Yesu Masiya baolekola lofula o mpafula ele bant’auke. 16Koko nganji eko efosonge la joi lindielaki l’ont’omoko okelak’obe: eki etenelo e’akambo eyaki la bont’omoko eoliela nd’umbelo; lolonde nganji eyaki nd’ewela ea beseketano beuke eoliela nda boyengo. 17Ko ayaka iwa iki la mpifo e’okulaka la bont’omoko nd’ewela ea boseketano wa bont’omoko; iy’andamba bofula wa boya ko la wa nganji ea liongi bifolekola loata mpifo e’okulaka nda loiko la bont’omoko, wae Yesu Masiya. 18Koko eleng’eki etenelo e’akambo eyaki el’ant’auma nd’umbelo nd’ewela ea boseketano bomoko; nk’eleng’eko nganji eyaki ele bant’auma nda boyengo wa loiko nd’ewela ea joi limoko ja liongi. 19Eleng’eki bant’auke oyalemaka bant’obe nd’ewela ea botendo wa bont’omoko, nk’eleng’eko bant’auke bifoyalema ba liongi nd’ewela ea lifiki j’imeezo ja bont’omoko. 20Koko bisekyelo bisekyamaki wete boseketano bofule: lolo efulaki bobe, boya bofulaki o mpafula mongo; 21wae eleng’eki bobe oataka mpifo e’okulaka nd’iwa, nk’eleng’eko boya boate mpifo e’okulaka la liongi nda loiko lotasilaka la Yesu Masiya Nkolo ekiso.
Currently Selected:
Ba-Loma 5: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
