Ba-Loma 4
4
1MPANGA tokele mo? wae Abalayama nkokoolo ekiso aataki nda mpifo ea jonge na? 2Nga Abalayama ayengwaki boyengo l’elemo, siki akumyak’ende mongo nd’ewel’eko; lolo af’eka Nzakomba. 3Bonkanda wa Nzakomba bokele mo? Abalayama imezaki Nzakomba, ko imeezo eko eandemaki el’ende nga liongi. 4Nkina bonto akamb’elemo, bofuto bofotangeme w’oya, lolo bole nga bombale. 5Lolonde el’ende ofokamb’elemo, lolo imez’ende oyoyengola bonto ofa l’elenge ea Nzakomba, imeezo ekande eoandema nga liongi. 6Nk’elenge esanga Dawidi ekemo e’onto oe Nzakomba oandela liongi nk’elemo, 7akela,
Iy’atungwa lim’eseketano, ko baoyi’obe bakiyo baokukama, baosakema l’okako.
8Bonto ofa Nzakomba oandela bobe aosakema l’okako.
9Bokako’one bosakem’ele batenama nsonge kika, nkina el’iy’afotename nsonge ngoko? El’iso tokela, Imeezo ea Abalayama eandemaki el’ende nga liongi. 10Eandemaki ngamo? Aki’nd’otenamaka nsonge? l’aki’nd’atafotenama nsonge? Afa aki’nd’otenamaka nsonge, lolo aki’nde atafotenama nsonge: 11ko ende aambaki lotaza ja ntatena ea nsonge, wae lotaza ja liongi j’imeezo eki’nd’oimezaka ataf’end’otenama nsonge, wae ende ayaleme ise ea banto bandimeza bauma, mpeka la batatenama nsonge, wete liongi liandeme el’iyo; 12ko ayaleme ise ea ntatena ea nsonge el’iyo batenama nsonge, afa wae batenama nsonge kika, lolo bayokime nd’aina b’imeezo eko eki ise ekiso Abalayama oimezaka, aki’nde atafotenama nsonge. 13Elaka ele Abalayama l’ana’akande, wete ende ayaleme bosangoli ow’enanga beuma, nteki nd’ewela ea bisekyelo, lolo nd’ewela ea liongi j’imeezo. 14Nkina ba bisekyelo bale basangoli, imeezo eoyalema o mpampa, ko elaka eofonya: 15ele bisekyelo biezaka nkele: efa bisekyelo, eko nko nsekola. 16Nd’ewela eko, lile j’imeezo wae liyale eleng’ele boya: wete elaka ekemyame la bolo ele bana bauma: af’ele ba bisekyelo kika, lolo el’ako ba imeezo ea Abalayama, ole ise ekis’auma, 17(eleng’ele joi jokotama, Njokila we ise e’anto ba bise biuke), nda joso likande oki’nd’oimezaka, wae Nzakomba, oetolaka bawei, ko ondetaka belemo bel’eko nga bel’eko. 18Aki’nde ntena ncina ea lolendezo nye, akongoimeza la lolendezo, wete ayaleme ise ea banto ba bise biuke eleng’ele joi litefelamaki, Bana’akawe bifoyalema ngoko. 19Ende ntateka nd’imeezo, lolo aokanela jonge likande mongo liki nga jowa (ende aokita années bonkama), ko aokanela iwa ya likunju ja Sala: 20lolonde aokanela nk’elaka ea Nzakomba, ko ntakakaana l’osamba w’imeezo, lolo aokema bolo nd’imeezo, ayomemya Nzakomba, 21ko aolea njea mongo wae ende aokeleya joi liki’nd’ocikaka elaka. 22Ko nd’ewel’eko imeezo ekae eoandema el’ende nga liongi. 23Koko joi liko ntalikotamaki nd’eloko ekande kika wae eoandema el’ende; 24lolo nd’eloko ekiso, wae lifoandema el’iso bandimez’ende oetolaki Yesu Nkolo ekiso lim’ele bawei, 25ende alekyamaki nd’iwa nd’ewela ea bebe bekiso, ko aetswaki nd’ewela ea boyengo botoyengol’ende.
Currently Selected:
Ba-Loma 4: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
