Ba-Loma 2
2
1ND’EWEL’EKO, we bonto ondelez’anto baoyi, ofa l’esengamelo nye: andeleza we bont’onkina baoyi, oumba we mongo: ele we ondeza baoyi b’anto, oyokele nko baoyi’ako. 2Koko tolea etenelo ea Nzakomba ele nsosolo, wae ayumb’iy’akela baoyi’ako. 3We bonto ondez’anto bayokele baoyi’ako, ko we mongo okela nk’eleng’eko, otanga nde wifolot’etenelo e’akambo ea Nzakomba? 4La otengwela bomengo wa liota likande ko l’isei ikae ya ntatemya ko l’isei ikande ya loncinji, ko ofea nde liota ja Nzakomba likieza nd’eututaelo lim’aoyi’obe? 5lolonde lim’otema’oke w’ocilingano bosamb’eututaelo e’aoyi’obe, oombela we mongo nkele nda mbile ea nkele, l’enyelo ea umbelo e’akambo ea Nzakomba ea ci; 6ende ifolakola wengi’onto ndako endeji l’eketo’ekande: 7el’iy’akela baoyi b’olotsi la loncinji, ko bayase l’aoyi’ako imemya la lokumo j’olotsi l’osamba w’iwa, ifoka bant’ako loiko lotasilaka: 8lolo el’iy’andikya bikoli, ko batendola nsosolo eko, lolo bimeza baoyi bafa liongi, bolemo la nkele, 9l’elo la bokambo, baoyi’ako bifoya ele wengi bolimo w’onto oyokel’obe; Bo-Yuda nda joso, ko Bo-Elene ngoko: 10lolo imemya la lokumo j’olotsi la kuci ele wengi’onto oyokel’olotsi; Bo-Yuda nda joso, ko Bo-Elene ngoko: 11ele Nzakomba ntakalanyak’onto la likali. 12El’iy’auma bakelak’obe nko bisekyelo, bifofitana nko bisekyelo; ko iy’auma baki la bisekyelo, ko bakelak’obe, iyo bifumbama la bisekyelo. 13Baoki ba bisekyelo bafoyengwa nda joso ja Nzakomba, lolo bakeli ba bisekyelo bifoyengwa. 14(Wenaka Bafaya bafa la bisekyelo bakela baoyi ba bisekyelo lim’ak’amongo, iy’afa la bisekyelo baoyalema nga bisekyelo el’iyo mongo; 15bako beneya bolemo wa bisekyelo bokotama nd’etema bekiyo, ko juge ekiyo e’otema eyosange, ko nkai ikiyo iyaumbe, nkina iyalongya:) 16nda mbile ee Nzakomba oten’akambo ba biisisa bi’anto la Yesu Masiya, eleng’ele bosako’okami w’olotsi.
17Lolonde nkina we otangema lina ja Bo-Yuda, ko oil’otema nda bisekyelo, ko omenga la Nzakomba, 18ko w’ea wango bokande, ko w’osima baoyi balekol’olotsi, ele w’olakema lima bisekyelo; 19ko otanga wae we mongo ole bolonji owa mboka owa bawei’aiso, ko l’itswa el’iy’ale nda wilima, 20ko la wekyi owa basamba wanya, ko l’olaki owa tonkune, ole la litanda ja njea ko la ja nsosolo eko nda bisekyelo: 21we olak’ont’omo, siki nde ofolake we mongo? we okel’onto, Tawiyake, wiya nde? 22We okel’onto, Tokelake jibi, okelaka jibi? w’ondina baidola, w’iya nde lima tolombe ta baidola? 23We omenga la bisekyelo, osotsa nde Nzakomba la nsekola ea bisekyelo? 24Ele lina ja Nzakomba josaowa l’isaola eka Bafaya nd’ewela ekinyo, eleng’ele joi jokotama. 25Ntatena ea nsonge ele la nkito, nkina ole bokeli owa bisekyelo; lolo nkina ole bosekoli owa bisekyelo, ntatena eke ea nsonge eoyalema nga ntotenama nsonge. 26Nd’ewel’eko, nkin’oko otatenama nsonge afonga bisekyelo, bosamba wa ntatena ea nsonge bofoandema el’ende nga ntatena ea nsonge? 27Koko bonto otatenama nsonge eleng’ele jonge, nkin’afonga bisekyelo, afaokumba we ole l’onkanda la ntatena ea nsonge, lolo ole bosekoli owa bisekyelo? 28Ende ole Bo-Yuda nda jonge kika, afa Bo-Yuda mongo; koko eko ele nda jonge kika efa ntatena ea nsonge; 29lolo Bo-Yuda mongo wae ende ole Bo-Yuda nd’otema; ko ntatena ea nsonge ele nd’otema, la nd’olimo, afa nd’onkanda; imemya ikande ifa lim’el’anto, lolo lim’ele Nzakomba.
Currently Selected:
Ba-Loma 2: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
