Ba-Loma 15
15
1SIK’ISO ba bolo totombe tongoi ta banto bafa bolo, ko tofokel’aoyi balang’iso mongo. 2Kela wengi’ont’okiso akeele bonto osingitana l’ende baoyi balanga bont’oko wae aatel’ende bolotsi bondokemya ekemo. 3Eki Masiya mongo ntakelaki baoyi baki’nde mongo olangaka: lolo ngole joi jokotama, Ntango ik’iy’okotangaka we ionkwel’emi. 4Eki baoyi nko loswele bakotamaki nda joso, bakotamaki wae iso tolakeme, wete toate lolendezo ewela ea loncinji Tea ncicimya etocicimya benkanda bia Nzakomba. 5Aeyoko Nzakomba ea loncinji l’ea nsalanganya aka inyo wae loyaleme la lokai lomoko el’inyo mongo eleng’ele Masiya Yesu: 6wae lomemya Nzakomba la Fafa ea Nkolo Yesu Masiya la lokai lomoko ko la bomwa’omoko. 7Nd’ewela eko, lamban’inyo mongo, eleng’eki Masiya oambak’inyo nd’imemya ya Nzakomba. 8El’emi nsangel’inyo, Masiya aolilama nda mpifo ea bosali el’iy’atenama nsonge nd’ewela ea nsosolo ea Nzakomba, wae akemya bilaka bicikamaki ele baise, 9ko Bafaya bamemya Nzakomba nd’ewela ea isei ikande: eleng’ele joi jokotama,
Nd’ewela eko, njifokomemya we nd’etei ea Bafaya,
Ko njifembela lina likawe.
10Koko aokela lenkina,
Inyo Bafaya, losalangane l’anto’akande. 11Ko lenkina,
Inyo Bafaya bauma, lomemya Yawe;
Kela bant’auma bamemy’ende.
12Koko lenkina Yesaya aokela,
Wili wa Yisai wifenya,
Ko os’oemala nda mpifo ea bokulaka ow’afaya:
Bafaya bifolendeza el’ende.
13Kela Nzakomba ea lolendezo ayoz’inyo to o l’ekemo euma la kuci nda njimeza endimez’inyo, wae inyo loate lolendezo ja mpafula, nda mpamba ea Bolimo w’olotsi.
14Balongo’akami, emi mongo njea wete inyo mongo lokama la liota, ko lokama la njea, koko lokuseya lolak’inyo mongo. 15Lolo nkotel’inyo la nkaso fele, wae ndofwey’inyo lenkina nd’ewela ea boya bokaemaki el’emi la Nzakomba, 16wete emi njaleme bosali owa Masiya Yesu ele Bafaya, njokambe bolemo w’osako w’olotsi wae ndalekya ea Bafaya eyaleme mbeka esimam’olotsi, eobuzama nd’oeko la Bolimo w’olotsi. 17Nd’ewela eko, mbat’ekumyelo ekami ele Masiya Yesu nda baoyi bal’eka Nzakomba. 18El’emi mpaokusa loanda belemo, imola nko beko beki Masiya okambaka l’emi, nd’ewela ea imeezo ea lifiki ea Bafaya, la joi l’olemo, 19nda mpamba ea ntaza L’elemo bia nkakamwa, nda mpamba ea Bolimo w’olotsi; eleng’eko njosiza losang’osako w’olotsi wa Yesu Masiya lima Yelusalema, la njingwana l’eko lokita Iluliko: 20onde, ndangaki la mposa wae nsang’osako’oko w’olotsi nda biiji bitafa Masiya oandema, wae mpotonge nda jango liki bont’omo oangaka: 21lolo, eleng’ele joi jokotama,
Iyo bifena, wete banto bak’iyo ntabasangela nsango ekande,
Koko iy’atokaki eko bifekela.
22Nd’ewela ene, nciyaki el’inyo, eki’m’osukamaka besukama beuke: 23lolo aeyoko ef’em’oata lenkina itenela nd’ekako bene, ko andok’emi mposa années ine iuke wae nje el’inyo; 24a em’ocwa nda Sepania (el’emi ndendeza wae nden’inyo nda lokendo lokami, ko ae limeso likiso okoka fele nda joso, mpanga loncindeza nda mboka eko)— 25lolo aeyoko ncwa nda Yelusalema okambya ba-boeko. 26Eki basi Makedoma la Akaya osimak’olotsi wae batakanya nganji nd’eloko ea beola bal’ele ba-boeko nda Yelusalema. 27Onde, basimak’olotsi; ko bale l’iyo bembale. Nkina Balaya baamana l’iyo bolongo nda toma tokiyo t’olimo, bako bale l’iyo bombale wae bakamby’iyo la toma ta jonge. 28Nd’ewela eko, a em’osiza bolem’one, ko ndakitsa bamuka’ane, njifoya el’inyo ecw’emi nda Sepania. 29Koko njea wae, a em’oya el’inyo, njifoya nda bofula wa bokako wa nsakema wa Masiya.
30Aeyoko, balongo, mbond’inyo la Nkolo ekiso Yesu Masiya ko l’eefe ea Bolimo, wae inyo loamane l’emi la mposa mongo nda beondo beond’inyo ele Nzakomba nd’eloko ekami; 31wete mbike lim’ele ba botendo nda Yudea, ko bosala bo em’ocwa Yelusalema bosimame bolotsi la ba-boeko; 32wae nje el’inyo l’ekemo nda wango wa Nzakomba, ko emi l’inyo toate jomo. 33Nzakomba ea kuci ayal’el’iny’auma. O ngoko.
Currently Selected:
Ba-Loma 15: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
