Ba-Loma 16
16
1NJEANY’EL’INYO Foibe la losimo, ende ale nkana ekiso, bosali ow’ekelesia ele nda Kenkulea: 2wae loamb’ende ele Nkolo elenge endeji la ba-boeko, ko lokambya nd’olemo nko loswele bolang’ende lim’el’myo; el’ende mongo ale bokambyi ow’ant’auke, ko aonkamby’emi mongo ngoko. 3Luola Pulisekila la Akwila, baamana l’emi nd’olemo, wa Masiya Yesu; 4iyo bambyaki nkingo ikiyo mongo nd’iwa nd’eloko ea loiko lokami: af’emi kika ondasima boya, lolo ba bikelesia biuma bia Bafaya bauma: 5ko luola ba ekelesia ele nd’ilombe ikiyo. Luola Epaineto olangema l’emi, ale limuka ja joso ele Masiya nda Asia. 6Luola Malia, ende akambaki belemo beuke nd’eloko ekinyo. 7Luola Anduloniko ko la Yunia, bioto bikami bakotungi l’emi nd’onyolo, iyo bale la lokumo ele bikima, ko baki Ba-Masiya nda joso likami. 8Luola Ampuliato, olangema l’emi ele Nkolo. 9Luola Ulubano, okambaki l’emi nd’olemo wa Masiya, ko la Setakusa olangema l’emi. 10Luola Apele osimam’olotsi ele Masiya. Luola iy’ale nd’oloi wa Alisitobulu. 11Luola Elodiana eoto ekami. Luola iy’ale ele Nkolo nd’oloi wa Nalukiso. 12Luola Tulufaina la Tulufosa bakamb’elemo ele Nkolo. Luola Pelusi olangema, okamb’elemo beuke ele Nkolo. 13Luola Lufu osonami ele Nkolo, ko la nyango ekande l’ekami. 14Luola Asunkulito ko la Felengono ko la Eluma, ko la Pateloba, ko la Elume, ko la balongo bale l’iyo. 15Luola Filolongo ko la Yulia, ko la Neleu la nkana ekande, ko la Olumpa ko la ba-boeko bale l’iyo bauma. 16Losambelana la baiser ea boeko. Ba bikelesia bia Masiya biuma buol’inyo.
17Lolo mbond’inyo, balongo, loala iy’andieza bikafwanelo la bikunumwelo el’inyo, bayofengole lilako lik’iny’olakemaka: ko liman’el’iyo. 18Banto b’eleng’eko bafosaela Nkolo ekiso Yesu Masiya, lolo basaela bakunju’akiyo mongo: ko bayonge betema bi’anto basamba wanya la baoyi’akiyo b’ongengo la nsolomweya. 19Ele imeezo ekinyo ea lifiki eolongwana el’ant’auma. Nd’ewela eko, nsalangana nd’eloko ekinyo: lolo ndanga wae loyaleme ba wanya nda baoyi b’olotsi, ko banto basamba njea nda baoyi’obe. 20Koko nk’elingi Nzakomba, ea kuci ifomatela Satana nd’ase b’akaka’akinyo.
Boya wa Nkolo ekiso Yesu Masiya boyal’el’inyo.
21Timoteo oamana l’emi nd’olemo, ko la Lukio, ko la Yasona, ko la Sosipatulo bioto bikami baoluol’inyo. 22Emi Telutio, okot’onkanda’one, nduol’inyo ele Nkolo. 23Ngayo onjamb’emi l’ekelesia euma nd’ilombe ikae, aoluol’inyo. Elasito bofongi ow’aumba ba bonanga aoluol’inyo, ko la Kwaluto lilongo o ngoko.
24(Boya wa Nkolo ekiso Yesu Masiya boyal’el’iny’auma. O ngoko.)
25Aeyoko el’ende okemyey’inyo eleng’ele bosako’okami w’olotsi ko la nsasanga ea nsango ea Yesu Masiya, eleng’ele enyelo ea wisisa botasangemaka lima bikeke la bikeke, 26lolo aeyoko eolenya, ko eoleana ele ba bise biuma wae bafike l’imeezo, nd’ewela ea benkanda bia bateli, eleng’ele bosise wa Nzakomba ea bikeke biuma; 27imemya ele Nzakomba ea wanya nk’emoko kika, la Yesu Masiya bikeke la bikeke. O ngoko.
Currently Selected:
Ba-Loma 16: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
