Ba-Loma 10
10
1BALONGO, mposa endok’emi nd’otema, ko boondo boond’emi Nzakomba nd’eloko ekiyo bole wae baike. 2Nsanga nd’ewela ekiyo wete boka Nzakomba mposa ea mpia, lolo mposa efa l’elenge ea njea. 3Ncin’ek’iyo ntabea liongi ja Nzakomba, ko basaki wae bakemya liongi likiyo mongo, iyo ntabimeza liongi ja Nzakomba la lifiki. 4Ele Masiya ale nsukela ea bisekyelo ele wengi’onto ondimeza wae akite nda liongi. 5Ele Mose akota wae wengi’onto okelaka liongi ja bisekyelo ifoika la liko. 6Lolo liongi j’imeezo jokela ngone, Tokelake nd’otema’okawe, Os’oulela nda loola na? (wae akiteza Masiya,) 7la Os’okitela nd’abusu na? (wete ayele Masiya lim’ele bawei). 8Lolo jokela na? Jokela, Joi litutsi la we, lile nd’omwa’oke la nd’atema’oke: wete joi j’imeezo lisang’iso: 9wae ayaka osanga la bomwa’oke wae Yesu ale Nkolo, ko w’imeza nd’otema’oke wete Nzakomba oetolak’ende lim’ele bawei, wifoika; 10ele bonto imezaka l’otema ele liongi i ko asangaka imeezo ekae l’omwa ele loiko. 11Ele bonkanda wa Nzakomba bokela, Os’oimez’ende afaoka nsoi. 12Nk’ecikwanelo ndatsa Bo-Yuda la Bo-Elene! Nkolo nk’emoko ale Nkolo e’ant’auma, ko ayomengnz’iy’auma bandet’ende nd’oondo: 13ele Os’oeta lina ja Yawe nd’oondo ifoika. 14Bet’ende nd’oondo otaf’iy’oimeza ngamo? ko bimez’ende otaf’iy’ooka nsango ngamo? ko nko bosangi, iyo boke ngamo? 15koko nkina bafotomame, basange nsango ngamo? Eleng’ele joi jokotama, O bolotsi w’akaka b’anto bayela bosako w’olotsi wa baoyi b’olotsi!
16Lolo iy’auma ntabokoza bosako w’olotsi. Ele Yesaya akela, Yawe, ondimezaki nsango ekiso na? 17Eleng’eko imeezo eyaka la ndooka, ko ndooka eyaka la joi ja Masiya. 18Lolo emi nkela, Iyo ntabokaki nde? Onde, nsosolo,
Lofoso lokiyo lolongwanaki nd’okili bouma,
Ko l’aoyi’akiyo nda nsukela ya benanga beuma,
19Lolo nkela nde, Ba-Yisalaele ntabeaki? Nda joso Mose aokela,
Njifoky’inyo jua l’iy’afa banto b’ese:
Njifoky’inyo nkele l’anto b’ese basamba wanya.
20Koko Yesaya aotefela nko bofolu, akela,
Emi ntanemaki l’iyo batandasaki;
Njenyaki el’iyo batanduolaki.
21Lolo aokela nd’eloko ea Ba-Yisalaele, Mbile-mbile ntandelaki banto ba botendo la bikoli bakata’akami.
Currently Selected:
Ba-Loma 10: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
