Belemo Beki Bikima 7
7
1KO nkanga ea joso mongo aokela, Baoyi’ane bale nsosolo nde? Ko aokela, 2Balongo la Bafafa, lokoza: Nzakomba ea jilangi aoleny’ele fafa ekiso Abalayama, aki’nde nda Mesopotamia, ko atafoyala nda Alana, 3aolokela, Imanaka lim’ese eke, ko lima bioto bike, ko yaka nd’ese e em’okeneya. 4Nkako aolimana lim’ese ea Kasada, aoyala nda Alana; aki ise ekande owaka, Nzakomba aolotomba lim’eko nd’ese ene efets’inyo aeyoko; 5ko ntokay’ende lisango eko, nko l’isisi imatela likaka limoko: lolonde nd’ekek’eki’nde ntaot’ona, aolocikel’elaka wete ifokaya ende l’ana’akae nd’afeka’akae ese eko eyalem’ekiyo seko. 6Nzakomba atefelaki ngoko, wae bana’akande bifoyala bafaya nd’ese ef’iy’oea, ko bifoyala bakwala, ko bifen’elo, années benkam’enei. 7Ko Nzakomba aokela, Emi njifosisoza banto b’ese bandilak’iyo nda likwala, ko nd’afeka b’aoyi’ako iyo bifola, ko bifonsaela nd’itenel’ine. 8Ko aolembela Abalayama bokolo, wete ntatena ea nsonge; ko Abalayama aotaki Yisaka, ko aolotena nsonge nda mbile ea mwambi; ko Yisaka aotaki Yakoba, ko Yakoba aotaki bingambe jom l’afe. 9Ko bingambe, ak’iy’ookaka Yosefa inkunya, baolosaza nda Ejipeto nda likwala; lolonde Nzakomba aki l’ende, 10ko aoloelola nd’aoyi’auma b’elo baki’nd’oenaka, ko aoloatela boya la wanya nda joso ja Falo, bokulaka owa Ejipeto; ko ende aoloila gouverneur nda Ejipeto la nd’ilombe ikae iuma. 11Nkako eto mongo ea nzala l’elo ea nene bielaki nda bise biuma bia Ejipeto ko la bia Kanana; ko baise’akiso ntabatana toma ta ndala. 12Lolonde aki Yakoba ookaka wae loso lol’eko nd’Ejipeto, aotoma baise’akiso eko botoma wa joso. 13Ko nd’otoma w’efe Yosefa aoleana l’alongo’akande b’ooto; ko Falo aolea ilongo ya Yosefa. 14Ko Yosefa aotom’anto, aoleta el’ende Yakoba ise ekae la bioto bikande biuma, banto ntuku nsambo l’atano. 15Yakoba aokitela nd’Ejipeto; ko aowa, ende l’aise’akiso; 16ko baotombama mpiko nda Sekeme, ko baokundama nd’oomba boki Abalayama osombaka la wiko wa francs lim’ele bana ba Amola nda Sekeme. 17Lolonde aki ekeke ea elaka eki Nzakomba ocikelaka Abalayama otutama, banto baofula, baoyala bauke mongo nd’Ejipeto, 18elaka nko Bokulaka’omo aolemala nda likulaka j’Ejipeto oteaki Yosefa. 19Ende aokakatany’ilongo ikiso la jongo, ko aokela baise’akiso wete baboke bana’akiyo wae bafoike. 20Nd’ekek’eko Mose aotswaki, ko aki owa lituka mongo; aoongwa nsanza isato nd’ilombe ya ise ekae; 21ko aki’nd’obokama, bona ow’omoto owa Falo aoloambola, aoloongola ng’ona’okae mongo 22Mose aolakema nda wanya bouma wa Ejipeto; ko aki la mpamba mongo nd’aoyi ba ntefela la nd’eketo bekae. 23Aki’nd’okitaka années ntuku inei, mposa eoya nd’otema’okae wete acw’oena balongo bakae, bana ba Yisalaele. 24Aki’nd’oenaka om’okiyo anyokwa, aolokambya, ko aosombola nkele e’ont’oko onyokwaki, ko aomaki ow’Ejipeto; 25ko atangaki wete balongo’akae baokotola wae Nzakomba akay’iyo esikwelo l’akata’akande; lolonde iyo ntabakotola. 26Nda mbile ea lobi aolenya el’iyo ak’iy’oune, akelaki wete aamany’iyo lenkina nd’oseka, ko aolakela, Baowa, inyo losangi; lokelan’obe ncina na? 27Lo londe okeelaki lilongo likae bobe aoloimola, aokela, Okilaki we owa-mpifo la juge el’iso na? 28Olanga ombom’emi ngoki w’oomaka ow’Ejipeto mbil’eki lobi nde? 29Nd’ewela ea joi line Mose aolota, aoyala bofaya nd’ese ea Midiana, aotaki bana’afe b’aende eko. 30Aki années ntuk’inei osilaka, ekima ea loola eolenya el’ende nd’etekeleke ea Ngongo ea Sinai, nd’efetelo ea tsa nd’otamba. 31Aki Mose oenaka, aokamwa l’etalo’eko, ko aki’nd’otutama wae ene, bala, lofoso ja Yawe lolokana, ko loko lokela, 32Emi nde Nzakomba ea baise’akawe, Nzakomba ea Abalayama, Nzakomba ea Yisaka, la Nzakomba ea Yakoba. Ko Mose aolenga, ntakuseya loala l’aiso. 33Yawe aolokela, Imolaka bikoto lim’akaka’ake; ele itenela indemi we ile wete y’oeko. 34Nsosolo mongo njolena elo ea bant’akami bale nd’Ejipeto, ko njoloka bosa’okiyo, ko njokitela oasikola: l’aeyoko yaka, njifokotoma we nd’Ejipeto. 35Mose one ok’iy’ofezaka, ko baokela, Okilaki we owa-mpifo la juge na? Nzakomba aotoma nk’ende wete ayale owa-mpifo la bosikoli la likata j’Ekima ea loola ondenyaki el’ende nd’otamba. 36Bont’one aolayela lim’eko, akelaki belemo bia nkakamwa la ntaza nd’Ejipeto, la nda lieke ja ngola, la nd’etekeleke années ntuk’inei. 37One wae Mose oko osangelaki bana ba Yisalaele, aokela, Nzakomba ifemaz’inyo boteli ngol’emi lim’ele bioto bikinyo. 38One wete nk’ende oki nd’etakano nd’etekeleke l’Ekima otefelaki l’ende nda ngongo ea Sinai, ko l’aise’akiso; nk’ende ondambaki baoyi mongo bayoike wae atoka bako; 39ko baise’akiso ntabalanga wae bofik’ende, lolonde baoloimola lim’el’iyo, ko nd’etema’ekiyo baoluta nd’Ejipeto, 40iyo baokela Alona, Otemele nzakomba ikende nda joso likiso; ele Mose one otoyelaki lim’Ejipeto, tofea wiji boki’nd’ocwaka. 41Nd’ekek’eko baotula idola ea bona owa ngombo, baolekya mbeka ele idola eko, baosalangana l’elemo bia bakata’akiyo mongo. 42Lolo Nzakomba aolaututala, aolacika wae bamemya belemo bele nda loola; elenge ekotamaki nd’onkanda w’ateli,
Inyo b’ilongo ya Yisalaele, londekezaki nyama iomamaki la mbeka,
Nda années ntuk’inei nd’etekeleke?
43Ko lambolaki ilombe ya Moloke,
Ko la ioci ya nzakomba ea Lapana,
Wete baidola bak’iny’oemyaka wae lomemya bako;
Ko njifotomb’inyo wij’a Babela.
44Baise’akiso baki l’ilombe ya bito ya lotaza nd’etekeleke, ngoki’nde, wae ende otefelaki la Mose olakaka, wae akel’ako nd’elenge ea ezelo eki’nd’oenaka. 45Ilombe iko iki baise’akiso oyelaka nd’afeka, iyo la Yoswa, ak’iy’osangolaka bise bia Bafaya baki Nzakomba oitaka nda joso j’aise’akiso elaka nko bembile bia Dawidi; 46ende aoyaema boya nda joso ja Nzakomba, ko aoluola wae asela Nzakomba ea Yakoba boyalo. 47Lolonde Solomona aolotongel’ende ilombe. 48Lolo Oleki ndekola ntayalaka nda tolombe totongama l’akata; elenge ekela boteli,
49Loola lole wae ngwende ekami e’okulaka,
Ko bokili bole mbata ea bakaka’akami;
Yawe aokela, Lifontongela ilombe elenge na?
Ko itenela ikami ya jomo ile na?
50Likata likami ntajema belemo’ene beuma nde?
51Inyo b’ocilingano la batatenama nsonge nd’etema la nd’atoi, inyo losuka Bolimo w’olotsi wengi’aefa; o ngoki baise’akinyo okelaka, inyo lokela o ngoko. 52Boteli oki baise’akinyo ntabanyokola ale nko? ko baomaki iy’atelaki eyelo ea Owa Njelama; ok’iny’olekyaka ko ok’iny’oomaka ci; 53wae iny’andambaki bisekyelo bikaemaki la bikima bia loola, ko ntalofonga biko nye.
54Ak’iy’ookaka baoyi’ane, baokama la nkele, baokesanya baino’akiyo el’ende. 55Lolonde ende aokama la Bolimo w’olotsi, aalaki nda loola te, aolena jilangi ja Nzakomba, ko la Yesu emi nda wiji wa likata ja Nzakomba j’elome, 56aokela, Bala, njena loola lokombwa, ko la Bona ow’onto emi nda wiji wa likata ja Nzakomba j’elome! 57Lolo iyo baobeleza la lofoso ja lonene, baokuk’atoi bakiyo, baolikumwa el’ende la lokai lomoko; 58baolooza lim’onanga, baolousela bikenje; ko temoins baolambya benkoto bekiyo nd’akaka b’osekota’omo otangema Saula. 59Baomaki Setefano la bikenje, aonda Nkolo, aokela, Nkolo Yesu, amba bolimo’okami 60Aokus’aongo, ko aobeleza, Nkolo, tokaak’iyo likambo nd’ewela ea joi line j’obe. Aki’nd’otefelaka joi liko, aoletama.
Currently Selected:
Belemo Beki Bikima 7: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
