Belemo Beki Bikima 6
6
1ND’EMBIL’ENE, aki boanji w’akimi ofule, Ba-Yuda baotswaki nda Elene baomemesanela Ba-Ebele, wae baolofela bituka bikiyo nd’ekafelo ea toma ea wengi mbile. 2Ko ba-jom-l’afe baoleta etukuluku e’akimi el’iyo, baokela, Afeji l’iso wete tocika joi ja Nzakomba wae tosale mesa. 3Inyo mongo, balongo, losone lim’el’inyo banto nsambo ba lokumo j’olotsi, bakama la Bolimo w’olotsi la wanya, kela tail’iyo nda mpifo ea bolemo’one. 4Lolonde iso tifoyala la loncinji nd’oondo, la nd’ekambelo ea Joi. 5Bant’auma baosima joi liko bolotsi ko baosona Setefano, bonto okama l’imeezo la Bolimo w’olotsi, la Filipo la Pulokolo, la Nikanola, la Timono, la Palumena, la Nikolao, Bofaya ofaningwaki Bo-Yuda nda Antioka; 6baolaila nda joso ja bikima; ko ak’iy’oondaka, baolafya bakata’akiyo ele bant’ako.
7Ko joi ja Nzakomba jokaka; ko boanji w’akimi bofula nda Yelusalema o mpafula; ko linyenga mongo ja nkanga baolimeza nsango e’imeezo.
8Ko Setefano aokama l’oya la mpamba, aokela belemo bia nkakamwa la ntaza mongo nda joso j’anto. 9Lolonde bamo baki nda sunagoga etangemaki ea Basikwaki, la Ba-Kulene, la Ba-Alesandulia, la Ba-Kilikia, la Ba-Asia, baolemala, ko baolikya Setefano bikoli. 10Lolo ntabakuseya lokaola wanya la Bolimo oki’nd’otefelaka. 11Nkako iyo baokaya banto nyongo, ko bant’aso baokela, Iso tokak’ende asaolaka Mose la Nzakomba l’aoyi b’isaola mongo. 12Ko baosomanya banto la bingambe ko l’akoci b’enkanda, ko baoy’el’ende, baolokanda, baoloyela nda nteke ea bingambe, 13ko baolemya bafaci, iyo baokela, Bont’one afambya losots’itenel’ine y’oeko ko la bisekyelo ngoko; 14el’iso tokak’ende akela wae Yesu owa Nazaleta ifofita itenel’ine, ko ifocikwanya bilenge biki Mose otocikelaka. 15Ko iy’auma bakokit’ase nda nteke ea bingambe, ak’iy’oakel’ende baiso’akiyo, baolen’elongi ekande ngol’elongi ea ekima ea loola.
Currently Selected:
Belemo Beki Bikima 6: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
