Belemo Beki Bikima 3
3
1KO Petelo la Yoane baocwa nd’ilombe ya Nzakomba nd’ekeke ea boondo, wae nga trois heures. 2Ko bont’omo oki l’otengu lima likunju ja nyango ekae aki eko, ok’iy’otombaka, ko, boambyaka wengi’aefa nda wiso w’ilombe ya Nzakomba botangema wa Lituka wae ende alombe iy’andotswaki nd’ilombe ya Nzakomba nganji ya liota; 3aki’nde oene Petelo la Yoane bakela wete botswa nd’ilombe ya Nzakomba, ende aolalomba nganji ya liota. 4Petelo aoloak’ende baiso, ende la Yoane, ko aokela, Otoal’iso te. 5Aolaokoza, eki’nd’otangaka wae ifamba yomba lim’el’iyo. 6Lolonde Petelo aokela, Mpa la francs la wolo; lolo njifokoka eat’emi. Nda lina ja Yesu owa Nazaleta, emalaka, yokende. 7Ko aolokita la likata j’elome, aoloemaza; ko nkakoyoko bakaka la biese bia bakese’akae beokema. 8Ko aotamba, aolemala, ko aokenda; ko aolotswa l’iyo nd’ilombe ya Nzakomba, ayokende, ayotambe, ayomemya Nzakomba. 9Bant’auma baoloena wae ayokende, ko ayomemya Nzakomba; 10ko baoloea, wete nk’ende okokit’ase nda wiso wa Lituka olombak’anto; ko baokamwa la nkakamwa l’ooma la ncina ea joi likelamaki el’ende.
11Ko aki’nd’okatemela Petelo la Yoane, bant’auma baolikumwa bolongo nda mbalasai etangema ea Solomona, bayokamwa bouke na. 12Aki Petelo oenaka ngoko, aolamba banto, aokela, Inyo banto ba Yisalaele, lokamwa nd’ewela ea bont’one lae? ko lotoak’iso baiso lae? ng’iso tokenzak’ende la mpamba la njelama ekiso mongo? 13Nzakomba ea Abalayama, l’ea Yisaka, l’ea Yakoba, Nzakomba e’aise bakiso, ende aokumya Bona’okae Yesu; ok’iny’olekyaka, ko ok’iny’otandolaka nda joso ja Pilato, aki’nde la wango wete otungol’ende. 14Lolonde inyo lotandolaki Ow’oeko la Owa njelama, ko luolaki wae boomi ow’anto akaem’el’inyo; 15ko loomaki Bokulaka owa loiko; oki Nzakomba oetolaka lim’ele bawei; ko iso tole temoins ba joi liko. 16Ko l’imeezo nda lina likae, lina liko jokemya bont’one onden’inyo, ko ondea inyo; ko imeezo ele lim’el’Ende eokaya bont’one ekemo ene euma nda joso likiny’auma. 17L’aeyoko, balongo, njea wete lokelaki joi liko nd’ewela ea bosamba wa njea, ko la ba-mpifo bakinyo o ngoko. 18Lolonde Nzakomba aolieza ngoko baoyi baki’nd’otelaka l’ateli’auma, wae Masiya okae ifen’elo. 19Nd’ewel’eko, loututala baoyi’obe, ko lokengwana wae baoyi’obe’akinyo bafofyama, wete bikeke bia ncicima nd’etema biye lim’elongi ea Yawe; 20ko Ende atome Masiya osonamaki nd’ewel’ekinyo, wete Yesu: 21ende ifocikala nda loola elaka nk’uteyelo ea baoyi’auma, ngoki Nzakomba otefelaka l’omwa w’ateli’akande b’oeko baki eko lima kalakala. 22Mose aokela nsosolo, Yawe Nzakomba ekinyo ifemaez’inyo boteli ngol’emi lim’ele bioto bikinyo; lifokoz’ende nd’aoyi bauma ba end’osangel’inyo. 23Ko joi lifiela wae bonto nko loswele ofokoza boteli’oko, ende ifomelengana lim’el’anto melenganyu! 24Koko bateli bauma lim’aki Samwele ko l’iyo baki b’afeka, wae iy’auma batefelaki, baotela nd’eloko ea bembil’ene. 25Inyo lole bana b’ateli, ko la bana b’okolo boki Nzakomba olembaka l’aise bakinyo, eki’nd’okelaka Abalayama, Baoci b’okili bauma bifosakema l’okako wa swa l’ana’ake. 26Aki Nzakomba oetolaka bona’okae lim’iwa, aolotoma nda joso el’inyo, wae asakel’inyo bokako wa swa, eututaz’ende wengi’onto’okinyo baoyi’obe bakae.
Currently Selected:
Belemo Beki Bikima 3: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
