Belemo Beki Bikima 28
28
1AK’IS’OIKAKA, nkako teaki wete ekole eko eotangema Melita. 2Ko banto b’asenji batokak’iso isei mongo; el’iyo baambola tsa, ko baotamb’is’auma nd’ewela ea mbula la mpio. 3Lolonde aki Paulo oambolaka esombo ea besenju, ko aolil’eko nda tsa, njwa eolola la ncina ea tsa, ko eokatemela nda likata likae. 4Ko aki banto b’asenji oenaka njwa eko ea wale elendela nda likata likae, baotefelana, Nsosolo bont’one ale wae boomi ow’anto, ko mpeka la aoika lima lieke j’okwa, ende otena bakambo bauma ntoiky’ende nye. 5Lolonde aotitola njwa nda tsa, ko ntok’eefe nye. 6Iyo batangaki wae jonge likae lifotuta, nkina ifokwa sasimo nd’iwa: lolonde ak’iy’olendezaka elingi, ko ntabena joi limoko lindokwela, baolenza lokai, baokela wete ende ale nzakomba.
7Ko basala b’okulaka ow’ekole, lina likae Pubelio, baki eko ntutama l’itenela iko, ko ende aotamb’iso bolotsi mongo, ko aotoka toma bembile besato. 8Ko ise ea Pubelio aokalema la nkangi e’angala l’efolomwaki; ko Paulo aolotswel’ende, ko aoonda, ko aolafy’akata’akae el’ende, ko aoloikya. 9Ko aki joi line okelamaka, bant’amo baki nd’ekole la nkangi baoya, ko baoika ngoko; 10ko iyo baotomemya la tomemya touke; ko ak’is’osemwaka, baokondeza toma tok’is’oelaka wela.
11Aki nsanza isato olekaka, tokondela nd’asua ba Alesandulia, bacikalaki nd’ekole nd’ekeke ea mpio, lotaza j’asua’ako wae Baasa b’aende. 12Ko ak’is’osemaka nda Salakusa, toyal’eko bembil’esato. 13Lim’ako tokenda mboka ea lilingo, ko tosema nda Legio: mbil’emoko eolekana, ko impempe lima Sud ioya, ko nd’embile befe tosema nda Puteoli; 14ko totana balongo eko, ko iyo baotoonda wae toyale l’iyo bembile nsambo; ko ngoko toya nda Loma. 15Lim’eko balongo’amo, ak’iy’otokaka, baoy’otamb’iso elaka nko Itenela y’esombe ea Apio la Tolombe t’afaya tosato: ko aki Paulo oenak’iyo, aosima Nzakomba boya, ko aolik’otema.
16Ko ak’is’omotswaka Loma, (capitaine ea soldats aolekya njanga ele capitaine ea baesanyi, lolonde) baocika Paulo wae akit’ase ende mongo la soldat ondoesanyaki.
17Koko aki bembile besato olekaka, Paulo aoleta banto ba bingambe b’a-Yuda; ko ak’iy’otakanaka, aolakela, Balongo, emi ncikela bant’akiso joi j’obe limoko, ko ncisekola bisekyelo bia baise’akiso, lolonde njolekyama nd’onyolo lima Yelusalema nd’akata b’anto b’a-Loma: 18ko ak’iy’onjengelaka, baolanga wae bantungole, ek’iyo ntabena eloko e’iwa el’emi. 19Lolonde aki Ba-Yuda otonaka ngoko, nciat’emo mboka, imola nko ntombe likambo ele Kaisala mongo; afa wae nka banto b’ese ekami likambo. 20La ncin’ene njolet’inyo wae loy’onjena, kela tosoole; el’emi ntungama l’onyolo bone nd’eloko ea lolendezo ja Yisalaele. 21Ko baolokela, Iso ntatoata benkanda lima Yudea nd’ewela ekawe, ko balongo bayaki endoko ntabasanga, ko ntabakoanda l’aoyi’obe. 22Lolonde tolanga wae toke elenge ekanela we: el’iso tea wae batanga boloi’one lotango wiji la wiji.
23Ko ak’iy’osonelaka mbile, bant’auke mongo baoy’el’ende nd’ilombe iki’nd’okokit’ase; ko lima nkesa elaka nk’okolo aolafolaza joi, aolasangela likulaka ja Nzakomba, ko aolakama nd’ewela ea Yesu, lima bisekyelo bia Mose la bateli. 24Bamo baolimeza baoyi baki’nd’osangaka, ko bamo ntabimeza nye. 25Ko ak’iy’oikyana bikoli iyo mongo, baokenda, aki Paulo otefelaka etefelo emoko ngone, Bolimo w’olotsi aotefela bolotsi l’omwa boki Yesaya, boteli, ele baise’akinyo.
26Kenda ele bant’ane, w’akela,
Lifoka la ndooka, ko lofaekela nye;
Lifena la njeena, ko lofaokotola nye;
27Ele botema wa bant’ane bokaka l’ocilingano,
Ko batoi’akiyo bale loko.
Ko baolif’aiso’akiyo,
Nyango bafene l’aiso’akiyo,
Ko bafoke l’atoi’akiyo,
Ko bafekele l’etema’ekiyo,
Ko bafoututale baoyi’obe,
Ko emi mpaiky’iyo.
28Nd’ewel’eko, kel’inyo lea wae eikyelo ene ea Nzakomba eotomama ele Bafaya: iyo bifokoza ngoko. 29[Ko aki’nd’otefelaka baoyi’ane, Ba-Yuda baokenda, baolikyana bikoli biuke, iyo mongo.]
30Ko Paulo aokit’ase années ife nd’ilombe ikae iki’nd’osombaka, ko aolamba bant’auma bandotswaki el’ende, 31aokumya likulaka ja Nzakomba, aolaka baoyi bale nd’ewela ea Nkolo Yesu Masiya la nkaso eleki, ko nk’onto ondosukaki.
Currently Selected:
Belemo Beki Bikima 28: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
