Belemo Beki Bikima 26
26
1NKAKO Agulipa aokela Paulo, Wambotefele nd’eloko ekawe mongo. Ko Paulo aosembola likata likae, aolokola boloko’okae aokela:
2Bokulaka Agulipa, Emi nsalangana wae ndokole boloko bokami mbil’ene nda joso like, nd’ewela ea baoyi’auma bambaka Ba-Yuda; 3ele we mongo wea fombo bilenge biuma la baoyi’auma ba Ba-Yuda; nd’ewel’eko nkoonda wae onjokoza l’ikelo e’otema. 4Ba-Yuda bea elenge eki’mi lim’onolu’okami, eki lim’iango el’anto b’ese ekami la nda Yelusalema. 5Iyo baonjea lim’iango, ko ayaka balanga, bifosanga wae emi nki Bofalusi ow’oloi boleki bolo nd’ememyelo ea Nzakomba. 6L’aeyoko njemal’ane wae likambo likami litename nd’eloko ea lolendezo j’elaka eki Nzakomba ocikelaka baise’akiso; 7ko beloi jom l’efe bekiso basaela Nzakomba la mposa l’otso la mbile, balendeza wae baat’elaka eko. O Bokulaka, Ba-Yuda baombaka likambo nd’eloko ea lolendezo lone. 8Inyo ntalimezaka wae Nzakomba aetola bawei lae? 9Emi mongo ntangaki joi lindeji wete nkele bouke w’aoyi basuka lina ja Yesu owa Nazaleta. 10Ko nkelaki baoyi’ako nda Yelusalema ngoko; ko aki’m’oataka mpifo lim’ele nkanga ya joso, nkombaki bouke w’anto b’oeko nda tolombe ta njanga, ko ak’iy’oomamaka, njimezaki la bomwa’okami wae baomame. 11Njasisozaki bikeke biuke nd’asunagoga bauma, ko njolakama wae basaole Nzakomba isaola: ko aki’mi ookelak’iyo nkele ngol’onto osongwa, nkimanaki l’iyo, ko njanyokolaki o nda benanga bi’afaya. 12Koko aki’m’okende nda Damaseke la mpifo l’osise lim’ele nkanga ya joso, 13O Bokulaka, la midi mongo nda mboka, emi njenaki fole lima loola endekola ngesi-ngesi ea jefa, engesaki el’emi l’iy’akendaki l’emi kio samanyu. 14Ko ak’is’auma okweka nd’amoci, njokaki lolaka lotefelaki el’emi nda lofoso ja Ba-Ebele, Saula, Saula, onyokol’emi ncina na? ele bolo wae ocinza besongo. 15Ko emi njokela, Nkolo, w’ole na? Ko Nkolo aokela, Emi nde Yesu onyokola we. 16Lolonde betswa, yemale nd’akaka’ake; el’emi njeny’ele we, wete nkile we bosali la temoin ow’aoyi baki w’oenaka l’aoyi ba em’oenya ele we, 17njifokimola lim’akata b’anto’ake, ko la Bafaya ba em’okotomela, 18wae olifol’aiso bakiyo wete iyo bakengwana lima wilima, belele fole, ko bakengwana lima mpamba ea Satana, belele Nzakomba, wae baate etungwelo lim’aoyi’obe, ko la lisango el’iy’auzama nd’oeko l’imeezo enjimez’iyo. 19Nkako, Bokulaka Agulipa, ncitendola enelo ea loola; 20lolonde njosangela Ba-Damaseke nda joso, la nda Yelusalema, la nda bise biuma bia Yuda, ko la Bafaya, wae baututale baoyi’obe, bakengwan’ele Nzakomba, kela bakele beketo bendeji l’eututaelo ekiyo, 21La ncin’eko Ba-Yuda baonkanda nd’ilombe ya Nzakomba, ko baomeka wae bambome. 22Nd’ewela eki Nzakomba onkambyaka, emi njemala elaka nko mbil’ene, nsangela banto ba tosisi la b’anene, ntefela nk’aoyi baki bateli la Mose otelaka bifiela; 23wae Masiya ifen’elo, ko ende ifosangela bant’akiso la Bafaya nsango ea fole nda joso, o l’eetswelo lim’ele bawei.
24Aki’nd’olokola boloko’okae ngone, Feseto aokela la lofoso ja bolo, Paulo, osongwa; wanya boke bondekola bokosongweya. 25Lolonde Paulo aokela, Feseto oleki lokumo, mposongwa, lolonde ntefela baoyi mongo ba nsosolo la ba wanya. 26Ele bokulaka aolea baoyi’ane fombo, ko ntefela l’ende nk’ofolu; el’emi njea wae nko joi limoko ja baoyi’ako jolisamel’ende; ele joi line ntalikelama la lokuko. 27Bokulaka Agulipa, wimeza bateli nde? Njea wae wimeza. 28Ko Agulipa aokela Paulo, Olanga lonkam’emi nk’isisi nde, wae njaleme Bo-Masiya? 29Ko Paulo aokela, Nkina l’auke, nkina l’isisi, mbonda Nzakomba wae we, ko afa we kika, lolonde bant’auma banjoka mbil’ene, loyaleme o ngol’emi, imola nko bikata bine.
30Ko Bokulaka aolemala, ende la gouverneur la Belunike l’iy’akokit’ase l’iyo; 31ko ak’iy’oimanaka, baotefelana, baokela, Bont’one afokele joi lindeji l’iwa la bikata. 32Ko Agulipa aokela Feseto, Ng’ont’one ntatombaki likambo ele Kaisala, siki aotungwa.
Currently Selected:
Belemo Beki Bikima 26: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
