Belemo Beki Bikima 22
22
1BALONGO l’aise, lokoza boloko bokami bolokol’emi aeyoko el’inyo. 2Ak’iy’ookaka wete aolasangela nda lofoso ja Ba-Ebele, baoyala wai mongo; ko aokela, 3Emi nde Bo-Yuda, ootswaki nda Taluseu nda Kilikia, lolonde baombongola nd’onanga’one, ko njolakema nda bisekyelo bi’aise’akiso nd’akaka ba Ngamaliele, ko nki la mposa mongo nd’eloko ea Nzakomba, o ngol’iny’auma mbil’ene; 4ko nnyokolaki ba-Mbok’ene nk’el’iwa, ntungyaki baende l’amato, ko njayelaki nda tolombe ta njanga. 5Ko nkanga ea joso mongo ifimeza wae ntefela nsosolo, ende la boloi wa bingambe bouma ngoko, mbataki benkanda lim’el’iyo wae ntombele balongo ba Yuda, ko ncwaki Damaseke wete njel’iy’aki eko ntungama la bikata nda Yelusalema, wae baate joi ja nsisoza. 6Ko aki’m’okende, ko njotutama la Damaseke, nga midi mongo, sasimo fole e’enene lima loola eongesa el’emi kio samanyu. 7Ko nkweki nd’amoci, ko njokaki lofoso lonkelaki, Saula, Saula, onyokol’emi ncina na? 8Ko njolamba, Nkolo, w’ole na? Ko aokela, Emi nde Yesu owa Nazaleta, onyokola we. 9Iyo baki l’emi benaki fole nsosolo, lolonde ntabokaki lofoso lokae otefelaki l’emi. 10Njokela, Nkolo, njifokela ngamo? Ko Nkolo aonkela, Emala, yokende nda Damaseke; bifokosangel’eko baoyi’auma bandeji la we wae okele. 11Aki’mi ncena nye nd’ewela ea ngesi-ngesi ea fole eko, iy’aki l’emi baonkita la likata, ko njoya nda Damaseke. 12Ko bont’omo Anania, bomemyi owa Nzakomba eleng’ele bisekyelo, ko osimam’olotsi la Ba-Yuda bauma bafetsak’eko, 13ende ayaki el’emi, emalaki ntutama l’emi, ko aokela, Lilongo Saula, ena o njeena. Ko nda heure eko njolen’ende. 14Ko aokela, Nzakomba ea baise’akiso aokosona wete wea jango likae, ko wene Ondeji, ko woke lofoso lima bomwa’okae. 15Ele we wifoyala temoin ele bant’auma nd’eloko ekae, ea baoyi baki w’oenaka ko baki w’ookaka. 16Ko aeyoko, otema lae? emala yiname nd’asi, ko sola we mongo lim’aoyi’obe bakawe, eta lina ja Nkolo nd’oondo. 17Ko aki’m’outaka nda Yelusalema, ko mbondaki nd’ilombe ya Nzakomba, nkweki nga nda liloto, 18ko njenaki Ende nd’enelo, aonkela, Kaola yoimane lima Yelusalema lomo-lomo; el’iyo bafimeza nsango ekawe nd’eloko ekami. 19Ko njokela, Nkolo iyo mongo bea wae ntungyaki bant’ako bauma bakimeza, ko njakundaki nda basunagoga bauma; 20ko aki balongo ba Setefano temoin ekawe outezamaka, emi nkemi eko ngoko, ko njimezaki, ko njesanyaki benkoto bia bant’ako bandoomaki. 21Ko ende aonkela, Kenda; el’emi njifokotoma esi mongo ele Bafaya.
22Ko iyo baolookoza, elaka nko aanda joi liko; ko nkako baobeleza, baokela, Limola bont’ow’eleng’ene lim’okili; el’ende afeji wae aike. 23Ko ak’iy’obelezaka, ko baolimol’enkoto bekiyo, ko baolusa biucu nd’aliko, 24commandant aotom’omwa wete boyel’ende nda forteresse, ko aokela wae boengele la nkakunda ea lojiji, wae ea ncina ea joi lik’iy’obelezaka ngoko nd’eloko ekae. 25Ko ak’iy’otungyak’ende la bekulu, Paulo aoluola capitaine ekiyo okemi ntutama, Eonga nde wae lokunda bosi Loma la lojiji, end’atafumbama likambo? 26Aki capitaine ookaka joi liko, aocw’ele commandant, aokela, joi likela we na? ele bont’one ale bosi Loma. 27Commandant aoya, aolokela, Onsangele, ole bosi Loma nde? Aokela, Onde. 28Ko commandant aolamba, Emi nsombaki mpifo ene l’osolo bouke mongo. Ko Paulo aokela, Lolonde emi mbotswaki bosi Loma. 29Ko iy’akelaki wae boengel’ende baolimana lim’el’ende nkakoyoko; ko commandant aolok’ooma mongo, aki’nd’oeaka wae ale bosi Loma, ko eki’nd’otungyak’ende.
30Nda mbile ea lobi, aolotungola, eki’nd’olangaka wete ende ea ncina ea joi liki Ba-Yuda oakak’ende, ko aosisela nkanga ya joso la nteke euma ea bingambe wae batakane, ko aokiteza Paulo el’iyo, aoloemya nda joso likiyo.
Currently Selected:
Belemo Beki Bikima 22: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
