Belemo Beki Bikima 17
17
1AK’IY’OTUWANAKA Ampipoli la Apolonia, baoya nda Tesalonike, ko sunagoga ea Ba-Yuda eki eko; 2ko Paulo, ng’elenge ekande ea bikeke biuma, aolotswa el’iyo, ko Sabata isato aolalaka lima bikotelo bia Nzakomba, 3aolafolaza, ko aolaeneya wae joi likeji wae Masiya en’elo e’eefe, ko aetswa lim’ele bawei; ko aokela, Yesu okumy’emi el’inyo nda nsango, ende ale Masiya mongo. 4Ko bam’akiyo baolimeza, ko baoamana la Paulo la Sila; etukuluku mongo ea Ba-Elene, bamemyi ba Nzakomba, ko l’amato ba mpifo bauke. 5Lolonde Ba-Yuda baolok’inkunya, baokola el’iyo belole bemo bia linyenga j’anto, baotakanya etukuluku, baotongol’etongo mongo nd’onanga: baotomb’etumba nd’ilombe ya Yasona, baolasa wae baoz’iyo el’anto. 6Ko ak’iyo ntaben’iyo, baobela Yasona l’alongo bamo nda joso ja ba-mpifo b’onanga, bayobeleza, Bant’ane bakalimolaki bokili bouma baoy’endo ngoko; 7ko Yasona aolaamb’iyo; ko ban’auma baosekola bisekyelo bia Kaisala, esang’iyo wae bokulaka’onkina owa roi al’eko wete Yesu. 8Ko ak’iy’ookaka baoyi’ako, banto b’etukuluku ko la ba-mpifo baofuka nd’otema. 9Ko ak’iy’okolaka ndanga lim’ele Yasona l’amo, baolatungola.
10Nkakoyoko balongo baotoma Paulo la Sila l’otso nda Beloya; ko ak’iy’okitaka eko, baolotswa nda sunagoga ea Ba-Yuda. 11Ko bant’ane baolekol’ako ba Tesalonike nd’olotsi, ek’iy’oambaka joi la mposa mongo, ko baolengela bikotelo bia Nzakomba wengi mbile, nkina baoyi’ane bale nsosolo. 12La ncin’eko bauke bakiyo baolimeza; ko l’amato b’a-Elene ba lokumo l’aende bauke. 13Lolonde aki Ba-Yuda ba Tesalonike oeaka wete joi ja Nzakomba josangema la Paulo nda Beloya, iyo baoy’eko ngoko; baosomanya banto l’iyo, ko baofukya bitukuluku. 14Ko nkakoyoko balongo baotoma Paulo wae acwe elaka nko lieke j’okwa; lolonde Sila la Timoteo baocikal’eko fele. 15Iy’asambozaki Paulo nda mboka baolocindeza nda Atenia; aosisela Sila la Timoteo bosise l’iyo wae bay’el’ende nkaola, ko bant’ako baokenda.
16Aki Paulo oalendezaka nda Atenia, bolimo’okae bokamamala, eki’nd’oenaka bonanga’ouma bokamaki la baidola. 17Nd’ewel’eko aolikya bikoli la Ba-Yuda l’amemyi ba Nzakomba nda sunagoga, ko la nd’itenela y’esombe wengi’aefa l’iyo bakumanaki l’ende. 18Ko baat’amo ba wanya ba-Epikulo la Basetoa baokumana l’ende. Ko bam’akiyo baokela. Bont’one ow’etefel’etetela alanga na? Bankina baokela, Ende ale ngole bosangi ow’ademona b’afaya; baokela ngoko, eki’nd’oongozaka bosako w’olotsi wa Yesu l’eetswelo ea bawei. 19Baolokola, baoloyela nda Aleopago, baokela, Tea nde lilako line j’aeyoko lisanga we? 20Ele we oyela baoyi b’ofaya nd’atoi’akiso; tolanga wete tea ncina ea baoyi’ane. 21(Ba-Atenia l’afaya baki eko ntabakelaka joi limo, imola nko basange joi j’aeyoko, nkina bokoza joi j’aeyoko).
22Ko Paulo aolemala nd’etei ea Aleopago, aokela, Iny’aende ba Atenia, njena wete lole bamemyi ba bademona nd’aoyi’auma. 23Aki’m’olekaka, ko njolengela belemo bekinyo bememy’inyo, njolena nkinda ea mbeka emo l’ekotelo ene, ELE NZAKOMBA EFEANA. Os’omemy’inyo la bosamba wa njea, Ende, nsangel’inyo nsango ekae. 24Nzakomba ondemaki bokili la belemo beuma bel’eko, ende ole Nkolo ea loola l’okili, ntayalaka nda tolombe totongama l’akata; 25ko ntabasaelak’ende l’akata b’anto, ng’asamba yomba; el’ende mongo akaaka bant’auma loiko la loi, la toma touma; 26ko emaki bant’auma lim’el’ont’omoko wae bafetsa nd’okili bouma, ko ezaki bileko bikiyo, la belelo bia bafeta’akiyo; 27wae base Nzakomba, nkina bambam’el’ende, ko botane, lolonde ende af’esi l’is’auma; 28el’iso toyoike, ko toyokende, ko toyoyalema nk’el’ende: ngoki bakoci’amo’akinyo ba nsau okelaka,
El’iso tole bana’akande.
29Iso tole bana ba Nzakomba; nd’ewel’eko, iso ntatokanelaka Nzakomba asongi la wolo, la argent, l’ekenje, basengama la wanya la lokai j’anto. 30Nda bikeke biki banto ntabea Nzakomba, bomongo aofenza baoyi’akiyo baiso; lolonde aeyoko aosisela bant’auma nda bise biuma baututale baoyi’obe: 31eki’nd’osonaka mbile e end’otenela banto b’okili bakambo l’elenge ea njelama l’onto oki’nd’osonaka; nda joi liko aokaya bant’auma esilamelo e’otema, eki’nd’oetolaka Yesu lim’ele bawei.
32Ak’iy’ookaka eetswelo ea bawei, bamo baoseka tola; lolonde bankina baokela, Tifokokoza lenkina nda joi line. 33O ngoko Paulo aolimana el’iyo. 34Lolonde bant’amo baoamana l’ende bamba, ko baolimeza; ko bam’akiyo wete Dionusio owa Aleopago, l’omoto otangema Damali, ko bamo l’iyo.
Currently Selected:
Belemo Beki Bikima 17: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
