Belemo Beki Bikima 14
14
1KOKO ak’iyo nd’Ikonio, baolotswa nda sunagoga ea Ba-Yuda bolongo, ko baolaka l’elakelo wae etukuluku e’enene ea Ba-Yuda la Ba-Elene baolimeza. 2Lolonde Ba-Yuda batendolaki joi baosomanya betema bia Bafaya la bakimi, ko baolakaneza nkai y’obe wae balemw’iyo. 3Nd’ewel’eko iyo baoyalem’eko elingi mongo, ko baosanga joi nk’ofolu nda mpamba ea Nkolo, ondeneyaki joi ja boya’okae, eki’nd’okaaka ntaza l’elemo bia nkakamwa wae bekelame la bakata’akiyo. 4Lolonde etukuluku e’anto b’onanga eokafwana; bamo wiji w’a-Yuda, bankina wiji wa bikima. 5Ko aki Bafaya la Ba-Yuda la ba-mpifo bakiyo oangaka lokel’iyo elenge ea nsoi mongo, ko baolusel’iyo bikenje, 6baokotola ngoko, ko baolota nd’enanga bia Lukaonia wete Lusetula la Delube, ko la bise bitutsi la beko; 7ko baolongoz’eko bosako w’olotsi.
8Bont’omo akokit’ase nda Lusetula osambaki mpamba nd’akaka’akae, oki botengu lima likunju ja nyango ekae, ntakendaka. 9Atefela Paulo, ende aoloka; ko Paulo aoloala te, aolena wete ende aki l’imeezo wae aike, 10ko aolokela la lofoso ja bolo, Emalaka nd’akaka’akawe ci. Aotamba, ko aokenda. 11Aki etukuluku e’anto oenaka bolemo boki Paulo okambaka, baobeleza nda lofoso ja Lukaonia, Nzakomba iokitela el’iso ngole banto. 12Ko baotanga Balunaba Zeu; ko baotanga Paulo Eleme, la ncina wae aki Bosangi owa joso. 13Ko nkanga ea Zeu oki la nkinda ekae nda joso j’onanga, aoyela ngombo la njobya nda biiso bia bonanga, aolanga wete alekya mbeka, ende l’etukuluku e’anto. 14Lolonde aki bikima, Balunaba la Paulo, ookaka ngoko, baolat’enkoto: baolikumwa nd’etei e’etukuluku, baobeleza, 15baokela, Baowa, lokela baoyi’ane lae? Iso tole nk’anto ngoko, ko tole l’elenge ngol’inyo, ko tongoz’inyo bosako w’olotsi, wae loututale baoyi’ane ba mpampa, kela lelele Nzakomba eyoike, ondemaki loola l’okili la lieke j’okwa, ko la toma touma tol’eko; 16ko ende aocika bant’auma nda biotswelo biki kalakala wete bacwe mboka ikiyo mongo. 17Lolonde ntacika Bomongo nko temoin, el’Ende aokela nk’olotsi, ko aokay’inyo mbula lima loola, la bileko biofula l’amuka, ko aokinza betema’ekinyo la toma l’ekemo. 18Lako baoyi’ane, siki banto ba bitukuluku balekya mbeka el’iyo.
19Lolonde Ba-Yuda baoya lima Antiokia la Ikonio; ko ak’iy’oangelaka banyenga b’anto baoyi, baolusela Paulo bikenje, ko baolobela nd’anza b’onanga, ek’iy’otangaka wae aosil’owa. 20Lolonde aki bakimi oengamelak’ende, aolemala, aomotswa nd’onanga; ko mbile ea lobi, ende la Balunaba baocwa Delube. 21Ak’iy’osangelaka banto b’onanga’oko bosako w’olotsi, ko baataki bakimi bauke mongo, baoluta nda Lusetula la Ikonio, ko la nda Antiokia, 22ko baokemy’etema bi’akimi, baolakama wae basekwa nd’imeezo eko seko, ko baolasangela wae tifotswa nda likulaka ja Nzakomba l’enyoko beuke. 23Ak’iy’osonaka bampaka nda bikelesia biuma, ko baonda la nkakila ea toma, baolacika ele Nkolo, ok’iy’oimezaka. 24Ko iyo baotuwana Pisidia, baokita Pampulia. 25Ak’iy’osangaka joi nda Pelunga, baokitela nda Atalia; 26lim’eko baosemwa, baocwa Antiokia, wiji bok’iy’olekyamaka ele boya wa Nzakomba nd’ewela ea bolemo bok’iy’osizaka. 27Ak’iy’okitaka, ko baotakanya ekelesia euma, baosanga baoyi’auma baki Nzakomba okelaka l’iyo, l’elenge eki’nd’okombolaka ekuke e’imeezo ele Bafaya. 28Ko baoyala elingi mongo l’akimi.
Currently Selected:
Belemo Beki Bikima 14: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
