Belemo Beki Bikima 12
12
1NDA ekek’eko Elode bokulaka owa roi, aosembola bakata’akae wae anyokole bamo ba ekelesia 2Aooma Yakobo okosangi la Yoane nd’ooci l’ifaka y’etumba. 3Aki’nd’oenaka wae joi liko josimam’olotsi l’a-Yuda, aocw’okanda Petelo ngoko. Bembil’eko beki bia mampa isamba nyango. 4Aki’nd’okandaka, aoloila nd’ilombe ya njanga, aololekya ele soldats jom l’otoa wete boesany’ende; lokano lokae loki wae nd’afeka b’elambo e’Efendelo ifooz’ende ele banto. 5Nd’ewel’eko, Petelo akofongi nd’ilombe ya njanga: lolonde ekelesia bayoonde Nzakomba l’etema mongo nd’eloko ekae. 6Aki Elode okelaka wae aoz’ende, o bots’oko Petelo akeci ndatsa soldats bafe, akotungi la benyolo befe; ko soldats bamo nda joso j’ekuke baesany’ilombe ya njanga. 7Ko bala, ekima ea Nkolo akemi l’ende, ko fole mongo eongesa nda ntena; aosakola Petelo nda lofanji, aoloetola, aokela, Emala nkaola. Ko benyolo bekae beokwa lim’akata bakae. 8Ekima ea loola aolokela, Lemb’ombembe, lota bikoto bike. Aokela ngoko. Ko aolokela, Lotaka bonkoto’okawe, yonkime. 9Aolola, aolokima; ntea wae joi likelamaki l’ekima liki nsosolo, lolonde aokanela wae aolen’enelo. 10Ak’iy’olekanaka boloi w’aesanyi wa joso la boloi w’efe, baokita nd’ekuke ea mbolo, ekombwa nd’onanga; eko eokombwa el’iyo ekomongo; ko baolola, baocuwana mbok’emoko e’onanga; ko nkakoyoko ekima ea loola aoliman’el’ende. 11Aki lokai ja Petelo outak’el’ende, aokela, Aeyoko njea nsosolo wae Nkolo aotoma ekima ekae, aonsikola lima likata ja Elode, la lolendezo louma j’anto Ba-Yuda. 12Aki’nd’okanelaka joi line ngoko, aoya nd’ilombe ya Malia, nyango ea Yoane ole la lina ja nkombo Malako; bant’auke baotakan’eko ko bayoonde. 13Aki’nd’okundelak’ekuke, bosali ow’omoto aoy’okoza, lina likae Loda. 14Aki’nd’oeaka lolaka ja Petelo, ntakombola ekuke nd’ewela e’osalangano, lolonde aolikumwa nd’etei, aokela wete Petelo emi nda joso j’ekuke. 15Lolonde iyo baolokela, Osongwa! Aokongosanga o nsasanga wae ale o ngoko. Ko iyo baokela, Ale nk’olimo’okande. 16Lolonde Petelo aokongokundela ekuke: ko ak’iy’okombolaka, baoloena, ko baokamwa. 17Loto aolakela lotaza la likata likae wete bayale o wai, aolasangel’elenge eki Nkolo oimolaka lim’ilombe ya njanga. Ko aokela, Sangela Yakobo l’alongo baoyi’ane. Ko aolimana, aocwa nda wij’onkina. 18La nkesa, soldats baotongol’etongo mongo, ek’iyo ntabea wiji boki Petelo ocwaka. 19Ko aki Elode oasak’ende, ko ntoena, aolengela baesanyi, ko aotom’omwa wae baomame ci. Ko ende aolimana Yudea, aocwa Kaisalia, ko aoyal’eko.
20Koko Elode aolemwa Basi Tula la Sidona nkele mongo; ko ak’iy’oataka Bulasito, wesanyi owa loulu j’okulaka, wae ayale bolenzwa’okiyo, baoy’ele Bokulaka la lokai lomoko, baolouola boseka wae bayale kuci, wete ese ekiyo eata toma ta ndala lim’ese ea bokulaka. 21Nda mbile endezama, Elode aolota benkoto’ekae bi’okulaka, aokit’ase nda ngwende e’okulaka, aolokola boloko el’iyo. 22Ko banto baobeleza, Lofoso ja nzakomba, lofa j’onto! 23Ko nkakoyoko ekima ea Yawe aolosakola, eki’nde ntakaya Nzakomba imemya; ko ende aoleema la nkiso, ko aowa.
24Lolonde joi ja Nzakomba jokaka o nkakaka, jofula o mpafula.
25Aki Balunaba la Saula osizaka bolemo’okiyo wa liota, baoluta lima Yelusalema, ko baotomba l’iyo Yoane oki la lina ja nkombo Malako.
Currently Selected:
Belemo Beki Bikima 12: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
