Bikambwa Biniki Bikima 3
3
1Ko Petelo la Yoane baocoa en’otumba bona Yakomba en’esike ena boondo, nk’ena trois heures. 2Nk’esik’eho boto’omoi aotolama meho, onoyaaki etumbe nk’en’otema bona nyango enande, onok’iy’otolaka bina l’ina, ko baoambyaki bina l’ina en’ofolo bon’otumba bona Yakomba, bofolo bonotangama Bokoka, lacin’eho alombe iy’anatuaki en’otumba bona Yakomba nganji in’isei. 3Ende, enem’end’oena Petelo la Yoane basokotua en’otumba bona Yakomba, amalomba nganji en’isei. 4Petelo amolenda la baiso ta, ende la Yoane, ko aila, ate, Otolend’iso. 5Ende amalofamela, lacina akanelaki’oka angotamb’iyema eneyal’iyo. 6Koko Petelo aila, ate, Mpana francs ko mpana wolo; ohonde iyema ineyat’emi nongokofa: ena lina lina Yesu ona Nazaleta, emalaka, kendaka en’akaka!
7Ko amuunda la likasa y’ome, ko ameemadya; ko isasanga bakak’anande la bakilingonyo banande baocila.
8Ko aetwa l’ondembi, aemala, ko aokenda, ko aotua l’iyo en’otumba bona Yakomba, kum’ayakende, ayasole bendembi ko ayakumya Yakomba. 9Ko bato bahatu bameena kum’ayakende ko ayakumya Yakomba. 10Ko bameeya, ayali nk’ende onokisak’ase en’ofolo bon’otumba bona Yakomba bona Bokoka oyolomb’ato nganji in’isei; ko baofefa la mpefa ko la losomo lacin’ena yoi linilamaki eneyal’ende.
11Ko eneki’nd’oundamelaka Petelo la Yoane, bato bahatu baoya la laango lacina basolongane eneyal’iyo ena mbalasai enetangama ena Solomona, kuma bayafefe bike mene. 12Eneki Petelo oenaka yoi liho, aolokwela bato, ate, Ino bato bana Yisalaele, bofefa lacin’ena ekambwa ene lacina nai? ko bototakamel’iso lacina nai? yoka bokanel’oka isoamene tomolokenza en’akaka la mpamba eniso ko la mbongi enisoamene? 13Yakomba ena Abalayama, l’ena Isaka, l’ena Yakobo, Yakomba ena bafango’aniso’ale, ende amokumya Bon’onande oka Yesu; nk’ende onok’in’olekyaka, ko onok’in’otembolaka en’oso bona Pilato, eneki’nd’oyalamaka la lisangya lacina aotungole; 14ohonde ino botembolaki Ende On’oeka l’Ona Mbongi, ko bolombaki lacina boyaki bon’ato afame eneyal’ino; 15ko boyakaki Lifoka lina Liiko, onoki Yakomba oetolaka en’ewedi, ko iso toyali temoins ina yoi liho. 16Ko l’imeedyo ena lina linande, lina liho limokikya boto’one onen’ino, oney’ino; ko imeedyo iniyali eneyal’ende imofa boto’one locili lone lonakolana nk’en’oso bon’inatu. 17Koko isanga, bifili, ley’oka bilaki yoi liho nko la biinda bona nnonganya, ino la bafok’anino nk’osamb’oho. 18Koko la bokotu’one Yakomba amokamba baoyi banaki’nd’otendak’ale l’asumoli bahatu, eneki’nd’oilak’oka Masiya enande angen’ino. 19Lacin’eho, bumbela baoyi’owe, ko bohalingwa, lacina baoyi’owe’anino baumolame, lacin’eho bisike bina ncicimodya en’etema biye eneyali elongi ena Yawe; 20ko lacin’eho atome Masiya onosonamaki lacin’enino, nko Yesu. 21Akoli eneyal’ende acikale ena loola yengoko bisike bina eutwedyo en’aoyi bahatu, nk’eyok’onoki Yakomba otendak’ale l’onyua bona basumoli’anande ban’oeka nk’en’alale mene. 22Mose ailaki’ale, ate, Yawe Yakomba enino angokeemaedy’ino bosumoli eneyali bato’aninoamene, yoka bosamb’onoyal’emi; bongolof’ende en’aoyi bahatu banangi’nd’okosumol’ino. 23Ko boto l’oto onofalofamele bosumoli’oho angumolama eneka bato nko la njaka mene. 24Koko basumoli bahatu, mmatsa la Samwele, ko l’iyo banayaki ena mbusa enande, nk’iyatu banatendaki’ale, iyatu bamotenda lacin’ena bin’ene. 25Ino boyali ban’ana basumoli, ko la ban’ana lisangya linaliki Yakomba oteelaka bafango’anino, eneki’nd’osumolaka Abalayama, ate, Bicimo bina loko bihitu bingosakelama bosako mene nko l’an’ane. 26Eneki Yakomba oetolaka bon’onande en’ewedi, amolotoma en’oso nk’eneyal’ino, oyokosakel’ino bosako enumbedy’ende boto l’oto’onino baoyi’owe’anande.
Currently Selected:
Bikambwa Biniki Bikima 3: BBY62
Highlight
Copy
Compare
Share
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
