Bikambwa Biniki Bikima 22
22
1Amalokwela, ate, Bifili la bafango, bolofaka boloko’onami bonakolokwel’emi isanga.
2Enek’iy’ookak’oka amalokwela ena lofoso lona Ba-Ebele, baoyalama mwi mene; ko aila, ate,
3Emi nde nde bise Yuda, onotwaki ena Taluseu ena Kilikia, koko banjololaki en’onyang’one, ko ndakamaki ena basangya bana bafango’aniso en’akaka bana Ngamaliele, ko njaaki la mposa mene eneyali Yakomba, yoka bosamb’onoyal’inatu bon’in’one. 4Ko mbehyaki bato bana Mbok’ene l’ewedi mene, mbundaki le mpame le bayato ko njaokelaki en’etumba ben’enyolo; 5nkanga iyome mene angimedy’oka baoyi’ane banatend’emi bayali nko solosolo, ende la boloi bona bingambe bohotu nkoho. Ntambaki bekanda nk’eneyal’iyo lacina ntoele bifili bina Damaseke, ko ncoaki meho lacin’eho nje l’iy’anayaaki meho ntungama l’enyolo ena Yelusalema, lacina basisodyame. 6Koko enem’em’ocoa, ko loolama la Damaseke, yok’en’esike ena midi, kaimo fololo ena nkolo ena loola eololoma eneyal’emi nsambanya sole; 7ko lokwa ena loko, ko loka lofoso lonelonjila, ate, Saula, Saula, onyom’emi lacina nai? 8Lomokutwela, emite, Nkolo, e nai? Ko aonsumola, ate, Emi nko Yesu ona Nazaleta onanyom’e. 9Ko iy’anayaaki l’emi baena fololo solosolo, ohonde batoka lofoso lonande onotenda l’emi. 10Koko lila, emite, Nkolo, njilake’oya? Ko Nkolo aila, ate, Emala, ombocoa ena Damaseke; bangokosumola meho baoyi bahatu banakoli l’e lacina oile. 11Ko eneten’emi tutu lacin’ena kalikali ena fololo eho, iy’anayaaki l’emi baonjeledya la likasa nsuka, ko loya ena Damaseke. 12Ko boto’omoi oka Anania, bokumi bona Yakomba bosamb’onoyali basangya, ko onokumyam’olotsi la Ba-Yuda bahatu banatongaki meho, 13aoya eneyal’emi, ko aemala mbolimboli l’emi, aonsumola, ate, Efili Saula, enaka nko njena. Isasanga lena lakina ko lomen’ende. 14Ko aila, ate, Yakomba ena bafango’aniso amokoson’e lacin’eho oeye eango enande, ko oene Ende Onokoli, ko oke lofoso en’onyu’onande. 15Lacin’e ongoyala temoin enande eneyali bato bahatu, temoin en’aoyi banak’oenaka la baoyi banak’ookaka. 16Ko isanga olingalinga lacina nai? Emala oyiname en’asi, ko oyosong’eamene en’aoyi’owe’ane la mbelela lina lina Nkolo en’oondo. 17Ko eneki’m’outaka ena Yelusalema, kuma laonda en’otumba bona Yakomba, lokwa nk’eyoka ena lilotua. 18Lomena nk’Ende, ko aonsumola, ate, Adya oyume ena Yelusalema la mbango; lacin’iyo bafimedyaki yoi line lacin’enami. 19Ko lila, emite, Nkolo, iyoamene baey’oka emi mbundaki bato bahatu banakimedya, ko njafomaki ena basunagoga bahatu; 20ko eneki bakila bana temoin ene eka Setefano outelamaka, eminjemalaki nkwaho, ko njimedyaki, ko ntombanyaki bisenda biniy’anoyakaki. 21Ko Ende aonsumola, ate, Coa ka; lacin’emi nongokotom’e eneyali Befenda beneyali en’esana.
22Ko iyo bamolofamela yengoko kum’aotenda yoi liho; ko nkwaho baololua la lofoso lona lokolo, Mbo umola boto bon’omun’one ena loko! Ende afakoli lacina aike! 23Ko enek’iy’ololuaka, ko baoka bisend’iniyo mboka, ko baofusa mpucifuci ena liko, 24commandant aotom’onyua lacina bayi l’ende ena litonga lina soldats, ko aila, ate, Bomekake la mpoma ena lofomi! lacin’eho aeye ncina ena yoi liho linalik’iy’ololuaka lacin’enande. 25Koko enek’iy’okakelak’ende l’esinga, Paulo aufola capitaine eniyo onemali mbolimboli, ate, Aonga nde lacina ofoma bise Loma lofomi kum’atakoiyama likambo? 26Eneki capitaine ookaka yoi liho, aocoa eneyali commandant, ite, Yoi linakamb’e lika nai? Boto’one ayali nko bise Loma. 27Commandant aoya, ko amuufola, ate, Onsumole, e oyali nde bise Loma? Ate, O. 28Ko commandant aamba, ate, Emi nsombaki lifoka line l’osolo bike mene. Koko Paulo ate, Ohonde emi mbotwaki nko bise Loma. 29Ko iy’anasokosisol’ende la lofomi bauma eneyal’ende isasanga; ko commandant aoka losomo mene eneki’nd’oeyak’oka ayali nko bise Loma, ko lacin’oka aokakelaki.
30En’ina bona loi amotungola, lacin’oka aolanga lacina aeye ncina ena yoi linaliki Ba-Yuda oakolaka; ko aotomela nkanga ina toome la likita liniyo lihalitu lina bingambe yoi lacina basolongane, ko aokitsa Paulo eneyal’iyo, ko ameemadya en’oso’oniyo.
Currently Selected:
Bikambwa Biniki Bikima 22: BBY62
Highlight
Copy
Compare
Share
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
