Apocalipse 7
7
Deusũ bebũkiri hawenabu katuni hawẽ nai tsumabũ habu unãti wanikiaki, na hãtxarã
1ha binukainaya hanushũ ana uĩkĩ nai tsuma dabe inũ dabe mapuakeakeabu ẽ uĩayã betsa bari huaikiri leste anu nia betsa bari hikiaikiri oeste anu nia betsa norte anu nia betsa sul anu nia habũ niwe dasibi tsumashũ nemakĩ mai inũ iãnẽwã inũ hi mapua hau niwe hanu shũku ikĩ hau itxakawayamayunũbũ 2hanua nai tsuma betsa bari huaikiria lestekiria hukĩ nukũ Epa Deus hiweatũ hawenabu unãti washũti hayatũ hui kuxipawẽ ha nai tsuma dabe inũ dabe habu kuxipa mai inũ iãnẽwã daũti hayabu hatu 3yuikĩ: “Meyamayukãwẽ. Deusũ tsumabu habũ betũkuki netãkĩ habu Deusunabu nũ unãti wariamakẽ mai inũ iãnẽwã inũ hi mapua itxakawakĩ daũyamayukãwẽ, Deusunabu hau mawayamayunũbunã”, hatu wa
4haska wakĩ 144.000 Israelĩ 12 huni bakebũ bababu shukuabu Deusũ hawenabu hawẽ betũkuki hawẽ unãtiwẽ unãti wakĩ yura betsa betsapabu katukĩ
5Judã bababu 12.000 hawenabu wakĩ unãti netãkĩ
Rúbenẽ bababu 12.000 habiaskari wakĩ
Gadẽ bababu 12.000 habiaskari wakĩ
6Aserĩ bababu 12.000 habiaskari wakĩ
Naftalĩ bababu 12.000 habiaskari wakĩ
Manassésĩ bababu 12.000 habiaskari wakĩ
7Simeãonẽ bababu 12.000 habiaskari wakĩ
Levĩ bababu 12.000 habiaskari wakĩ
Issacarĩ bababu 12.000 habiaskari wakĩ
8Zebulomnẽ bababu 12.000 habiaskari wakĩ
Josẽ bababu 12.000 habiaskari wakĩ
Benjamimnẽ bababu 12.000 habiaskas wakĩ
Deusũ hatu unãti wakĩ katumai ẽ nĩkashuki.
Nai anushũ hati tsuã tanatirumabũ tari hushupa saweabukiri yuinikiaki, na hãtxarã
9Hanushũ ana uĩbaũkĩ yurawã hati tsuã tanatiruma ẽ uĩshu matu yuinũ nĩkakãwẽ. Nawabu mai pakea tibi anuabu inũ, yura betsa shukua tibi anuabu inũ, dasibi hãtxa tibi anuabu inũ, mae tibi anuabu Deus shanẽ ibu haki tsauti inũ txashuwã bakẽ besuuri habu nishũ tari hushupa txaipa saweshũ shẽpã tsuma nishũ 10hui kuxipawẽ habũ yuikĩ:
“Nukũ Epa Deus shanẽ ibu haki tsauti anua inũ hawẽ bake txashuwã bake nukũ meketirã, habuanuaki”,
ikaibũ 11dasibi Deusũ nai tsumabu inũ, habu hiwea dabe inũ dabe inũ, ha 24 mekenikabu hatibu shanẽ ibũ tsauti anu mapubaunabu Deusũ besuuri maĩ beti ishũ kẽwãkĩ 12yuikĩ:
“Nukũ Epa Deus unãnepa Shanẽ Ibu kuxipahairaki.
Benimawakĩ hawẽruawakĩ kẽwãkubainãkãwẽ, niti ikamarã.
Haskakirã”,
ikaibũ
13hanushũ mekenika betsã ea yukakĩ: “Na tari hushupa saweaburã, tsuabumẽ? Hania beabumẽ?” ea wa 14kemakĩ: “Shanẽ ibuũ, mĩ miã unaiĩ”, ẽ wa hanushũ mekenikatũ ana ea yuikĩ: “Txanimaki. Itxakawanikatũ yura dasibi mai hirabi anuabu bikawakĩ hatu nuitapawaya yurabũ hatũ txakabu henekĩ habũ tari detsis keska txashuwã bakẽ himiwẽ txukakĩ habũ detsis yamawakĩ habũ tari hushu pehairawabuki.”
15“Jesusũ haska wakĩ na mapubaunabu hatu pepawa
Deus shanẽ ibu haki tsauti anu manishũ
mexu merã inũ bariri Deus hanu hiwea anushũ
duawakubainaibu Deusũ habu mekekubaĩshanikiki,
xinã txãkaĩburã.
16Haria ana nuitapai buni ũpash manui ikama inũ,
barĩ ana hatu kuama inũ,
shana bakakĩ ana hatu bikawama ishãkanikiki.
17Ha inũ, txashuwã bake Deus shanẽ ibu haki tsauti namakis niatũ
ũpash paisma pehaira txatxa hene hawẽ hiwemati haya anu hatu iyushũ amai
hatũ mekenã ishanikiki.
Hanushũ ha kashamisbu
Deusũ hatũ beru beũ hene dasibi tashka washanikiki”, ea wa
Currently Selected:
Apocalipse 7: cbsBR
Highlight
Copy
Compare
Share
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
