Apocalipse 8

Hawẽ henekĩ sétimo tsamini dashnunikiaki, na hãtxarã

1hanushũ Deusũ txashuwã bakẽ ha sétimo hawẽ unãti hawẽ henekĩ tsamini dashnuaya hanua Deusũ mae anua dasibi meia hora nixma dakatã binukainaya

2hanushũ ha sete nai tsumabu Deusũ besuuri mapuabu habu tibi mimawati trombeta hatu inaĩ ẽ uĩayã 3nai tsuma betsã ouro mane kẽtxa tsumatã Deus kẽwãkĩ hawẽ inãkuĩti hanu hanati tapu anu Deus shanẽ ibu haki tsauti besuuri ka nia habũ Deus kẽwaĩbũ hãtxa duapa inĩtibe husishũ hanu kẽwãti tapu anu hau mãtxinũ ni pei inĩti pepa ha abumis itxapa nai tsumã inã 4bishũ nai tsumã hawẽ mekẽki tsumashũ ha inĩti inũ ha Deus yukamisbu txi dekẽ matsistua menui hawẽ kuĩ inĩ pehaira inabainaya ikũwaĩbũ hãtxa duapa Deus yukamisbu ha kuĩyãbi husia inariaya 5hanushũ nai tsumã ouro kẽtxa ana tsumashũ txi dekẽ hanu kẽwãti tapu anua beakĩ mata washũ mai anu urẽkĩ sa aka haria kana baka baka itã tĩ ikaĩkaini patxa sakuaya

6hanushũ ha sete nai tsumabu habiatitũri trombeta habũ mimawati mawanũ, iwanã, tsumabũ

Dabe inũ dabe trombeta mawakĩ txã anibukiaki, na hãtxarã

7ha nai tsuma betsa ha dukũ primeirõ hawẽ trombeta txã akĩ taewaya mai pakea tibi anu niri iake iakekaũkĩ barush ui inũ txi ha dabe himiyabi husia Deusũ puta mai pakea tibi anu kuakĩ ha pakea betsa anu kawãkĩ ni inũ ni mashu terça parte kuakĩ basi nãke dakayabi dasibi kuakẽ

8hanushũ nai tsuma ha segundõ hawẽ trombeta txã akaya tsuãra iãnẽwã hatiubukũs watã pake dabe inũ besti habiatiubus wakẽ mati ewapa menuai keska iãnẽwãnu Deusũ puta pukukĩ iãnẽwã pakea betsa himiwaya 9ha habias pakea iãnẽwã merã hiweabu mawaibũ ha pakea anu shashuwã nesheaburi muxi muxi ikaya

10hanushũ nai tsuma ha terceirõ hawẽ trombeta txã akaya hene inũ txatxa mai pakea betsa tibi anu bixiwã here hi iki bĩ dekua keska txashahaira nai anua kawani terça parte mai anu inũ hene betsa anu inũ txatxa anu tĩ iki kawanaya 11ha bixiwã hawẽ kena Muka mai anu tĩ ikĩ mai pakea tibi anu hene terça parte ũpash mukahairawakẽ yura itxapabũ ha ũpash aki mawaibũ

12hanushũ nai tsuma ha quartõ hawẽ trombeta txã akaya tsuãra bari inũ ushe inũ bixi habũ txasha kuxipa hatiubukũs watã pake dabe inũ besti habiatiubus wakẽ nai tsumã pakea betsa itxakawakĩ shaba betsa tibi bari nukawakĩ mexu tibi ushe inũ bixi nukawakubainaya

13hanushũ ana uĩkĩ ẽ nĩkaya tete ewapa nai natukanu nuyakawãkĩ hunĩ hui kuxipa keskawẽ yuikĩ: “Huaai, huaai, nai tsuma dabe inũ bestitũ habũ hatũ trombeta hawaira txã akaya dasibi na mai anu hiweabu nuitapai yumãshãkanikiki”, ikaya

Currently Selected:

Apocalipse 8: cbsBR

Highlight

Copy

Compare