San Mateo 1
NIVA

San Mateo 1

1
Papi p'alha' tô'lha pa Jesucristo
(Lc 3.23-38)
1Nôque vatqu'isjayanach chiyi'sesh'e lhapesh java lheyis papi lhacchevot ja Jesucristo, jô lhech tô'lha papi ve'lheelhsham pa David shi' pa Abraham.
2Pa Abraham lhô'sesh pa Isaac, pa Isaac lhô'sesh pa Jacob, pa Jacob lhô'sesh pa Judá shi' papi lhch'injavot. 3Pa Judá lhô'sesh pa Fares shi' pa Zara, vooy lhpa lhamimi lhey Tamar. Pa Fares lhô'sesh pa Esrom, pa Esrom lhô'sesh pa Aram. 4Pa Aram lhô'sesh pa Aminadab, pa Aminadab lhô'sesh pa Naasón, pa Naasón lhô'sesh pa Salmón. 5Pa Salmón lhô'sesh pa Booz, vooy lhpa lhamimi lhey Rahab. Pa Booz lhô'sesh pa Obed, vooy lhpa lhamimi lhey Rut. Pa Obed lhô'sesh pa Isaí. 6Pa Isaí lhô'sesh pa lhcaanvacle David, pa lhcaanvacle David lhô'sesh pa Salomón, vooy lhpa lhamimi lhch'acfaesh lhapesh pa Urias.#1.3-6 1 Cr 2.1-15; Rt 4.18-22.
7Pa Salomón lhô'sesh pa Roboam, pa Roboam lhô'sesh pa Abías, pa Abías lhô'sesh pa Asa. 8Pa Asa lhô'sesh pa Josafat, pa Josafat lhô'sesh pa Joram, pa Joram lhô'sesh pa Uzías. 9Pa Uzías lhô'sesh pa Jotam, pa Jotam lhô'sesh pa Acaz, pa Acaz lhô'sesh pa Ezequías. 10Pa Ezequías lhô'sesh pa Manasés, pa Manasés lhô'sesh pa Amón, pa Amón lhô'sesh pa Josías. 11Pa Josías lhô'sesh pa Jeconías shi' papi lhch'injavot, jan t'aplhuqué ti chiychajey japi israelitas ja cotsjaat Babilonia.#1.11 2 R 24.14-15; Cr 36.10; Jer 27.20.
12Meelh ti tapec papu lhech, pa lhechesh pa caaj pa lhaôs pa Jeconías pa lhey Salatiel, pa Salatiel lhô'sesh pa Zorobabel. 13Pa Zorobabel lhô'sesh pa Abiud, pa Abiud lhô'sesh pa Eliaquim, pa Eliaquim lhô'sesh pa Azor; 14Pa Azor lhô'sesh pa Sadoc, pa Sadoc lhô'sesh pa Aquim, pa Aquim lhô'sesh pa Eliud. 15Pa Eliud lhô'sesh pa Eleazar, pa Eleazar lhô'sesh pa Matán, pa Matán lhô'sesh pa Jacob. 16Pa Jacob lhô'sesh pa José, pa lhech lhjayaesh lhpa María, lhpa lhech lhamimi ja Jesús lhey shta Cristo.
17Pa Abraham catorce pat'ajôôjjam papi tô'lha pa yamjey pa David, pa David catorce shta pat'ajôôjjam papi tô'lha pa yamjey pan t'aplhu' ti chiychajey papi israelitas pa cotsjaat Babilonia. Vooy pap'elh catorce shta pat'ajôôjjam pa yamjey ti nivat'aj ja Cristo.
Ti nivat'aj pa Jesucristo
(Lc 2.1-7)
18Lhech lhjunash ti nivat'aj ja Jesucristo: Lhja lhamimi María lhanjuyjascheesh ja José; jôjjeclay ninôveelhvacop ti yituma. Yitumjat pa t'unaj pa Espíritu Santo.*xc* 19Vooy ja José lhanjuyjatsech'esh lhja María. Yaychavalhey ca nitayjop jô lhech jaspa tanca nitanchayjayesh. 20Meelh ti yaychavalhtajey navôque, pa lhechesh pa nijujom ti yi'van pa lh'angel pa Lhcaanvacle ti yit'esh: “José, lhtôôlhsham papi ve'lheelhsham pa David, ya aj ca anjovaayshi ti ajayaesh jayu lhja María, lhayaash pa lhaôs ti tô'lha ja Espíritu Santo. 21Caaj jayu pa lhaôs, pa lhech eyiyanesh jayu Jesús. Lhayaash ti yilhjenesh jayu japi nivacle pava lhsasch'esha'ne.”*xd*
22Navôque lhacôm'a vaclan jaspa yôfisch'e ja t'ônashesh lhapesh pa Lhcaanvacle ti yiyôjaa papi chiytôyjata pava ti vaclan:
23“Yituma jayu lhpa lhutsja
pa caaj jayu pa lhaôs,
pa lhech lhanquey jayu Emanuel”
(côque lhey nôque yich'e': “Yimônlhanitjajop pa Dios”).#1.18 Lc 1.27,#1.21 Lc 1.31.,#1.23 Is 7.14.
24Meelh ti nijat'o ja José, pa yisnatesh pan t'ônash pa lh'ángel pa Lhcaanvacle, pa lhjayaesh lhja María. 25Taj ti tanca namaan, vooy ti yamey ti nivat'aj ja vatjutsa' lhaôs JESUS.#1.25 Lc 2.21

Nivacle Bible © Sociedades Bíblicas Unidas, 1994.


Learn More About Nivaclé Bible