Zôo 35
35
1Nya ƃe Ɛliu è ŋɔ́nɔ mò Zôo ma ǹyɛɛi,
2“Zôo, ílâai la gáa a teniŋ ƃô mɛni í mó Ɣâla ŋɛ́i
a gɛɛ íkaa a tɔ̃yâ-nuu?
3Kpaa máŋ í Ɣâla marê kɛ́, ‘Lé ƃé ŋásɔnyɔ̂ŋ a pɔ̂ri gɛ̂i a yá?
Lé ƃé ŋa pɔ̂ri gulâi nyíŋi su?’
4Ŋa pâi íwoo su tôoi ka ílaôi ni.
5“Ye ŋ̀elei su káa í gáa
berei ŋ̀ele-kɔlɔŋ kolei káa la ímɛi-pere póŋ-poŋ.
6À kɛ̀ ya sɔnyɔ̂ŋ kɛ̀, lé ƃé a pɔ̂ri gɛ̂i a Ɣâla?
À kɛ̀ ya sɔnyɔ̂ŋ kɛ̀ la gîe mɛi, lé ƃé a pɔ̂ri gɛ̂i lai?
7À kɛ̀ íteniŋ ƃôɔɔi, gɛ̀ ní lé mɛni lɛ́lɛɛ ƃé a pɔ̂ri gɛ̂i Ɣâla mii?
Lé ƃé Ɣâla a pɔ̂ri zɔlɔ ƃôi zui?
8Í ƃarâŋ-ŋai ƃé da mɔ̃lɛ ísɔnyɔ̂ŋ-ŋai su.
Ǹyaŋ m̀ɛni lɛ́lɛɛi ya gɛ̀i ƃé a kpɔŋ mâa tɛ̀ɛ íƃarâŋ nuu-kpune-ŋai pɔ́.
9“Tãi ǹûai da mɔ̃lɛ la a ŋ̀á ŋánaai, da wɔ̂lɔ kpɔ́ a ɣelêi-pere,
ǹyaŋ da kɛ̂ wɔ̂lɔi a gɛɛ núu da é pá é díkula ŋ̀wála-wala-ƃelai yêei.
10Kɛ́lɛ dífa tìnaŋ Ɣâla pɔ́naa pêre nyii gáa a díkpɛtɛ nuui
nyii a pâ dípɔ a ŋuŋ ma ƃô tãi da kɛ̂ mɔ̃lɛ̂i lai.
11Ɣâla a kúteniŋ tɔ̀ɔ é tɛ́ɛ ǹɔɔ fɛnɛ-sãai
da ŋ̀ɔni-ŋai dîa.
12Da wɔ̂lɔ Ɣâla ma, kɛ́lɛ va díwoo su tòo,
kpɛ́ni fêi, díkɛ̂tɛi díkpîŋ ŋɛ́i, díkɛ ƃò a sɔnyɔ̂ŋ-ƃela.
13Da kɛ̂ lɛ́ɛ wɔ̂lɔ kɛ̂i, m̀ɛni ma Ɣâla fa ŋ̀óli tɔ̀ɔ dîa.
Ŋ̀wála-wâla kélee Ɣalai fa dípɔ naa pêre kàa a dɔnɔ kpîŋ.
14“Zôo, Ɣâla a pâi ŋ̀óli tɔɔ-pere kɛ̂i léŋ yâ à kɛ̀ ífa pɔ̂ri bɔ́naa pere kâai?
Ǹyaŋ fɛ̂ɛ nɔ́ í maa kpɛ̂ŋ kɛ́ tãi ímɛni-saai káa la ǹyêei.
15Ílâai la a gɛɛ Ɣâla fa sɔnyɔ̂ŋ kula maa kɛ̂.
Vé kpáa ní sɔnyɔ̂ŋ mɛni ma.
16M̀ɛnii Zôo a môi, ŋuŋ fé ma.
À lônoi é pîlaŋ m̀ɛnii ma nyii vé gɔ́lɔŋ.”
Currently Selected:
Zôo 35: KWB
Highlight
Share
Compare
Copy
Want to have your highlights saved across all your devices? Sign up or sign in
