SALMOS 144
144
Apvisqui rey
1Innec ayaco Visqui ingac.
Aptomja setamilquiscama coo (semasma).
Lhip aptomja seyascasingvoyam actemaclha ningilmaycam najan ningilnapomalhca.
2Lhip aptomja emoc, aptomja sicyilhanmeycam, aptomja seyimnatescama, aptomja sevomquiscama tap, aptomja seyajapquiscama, semasma yoyam momatneje.
Colhic sat seyaco, ayinyema enlhitaoc ningyava nincoo.
Otnejic visqui apancaoc.
3Visqui ingac.
¿So actomja yi aclhanma apvalhoc lhip enlhit as nalhpop?
¿So actomja yi apasmo nac lhip enlhit aptiyascam as nalhpop?#Job 7.17-18; Sal 8.4.
4Malha ningvatipnapma apyitsomacpo enlhit as nalhpop.
Malha pisquisca acvonquepma intomja aptiyascam enlhit.
5Visqui apna netin.
Ityipvota, ivayventa as nalhpop.
Ipacningvojo mataymong alvinatem, yoyam cotyapoc maa etin.
6Iyjing sat yanca apancaoc alvisay tacja (alyinmayam).
Ingyilhpanquis sat cotnaja ingmoc, yoyam elinyajamcoc.
7Ipeyvasiclha lhip apectong (apmic).
Jevomquis tap seyajem yingmin acvanyam.
Jevomquis tap napatavo metnaja nintemolhama (cotnaja ingmoc).
8Apquiltomja apquilmopvanaa amyaa najan apquilyinimquiscama.#2 S 22.8-17; Sal 18.7-16.
9Visqui ajac.
Omnaycmacsic sat actemaclha alhnancoc.
Opayvacsic sat arpa (salterio) acyiplomo sicminaycmascama.
10-11Lhip aptimesquiscama apquilyimnatem apanco apquilviscaa.
Lhip alhta semasma coo.
Silancam lhip sicvisay David.
Jevomquis tap yoyam momatneje napatavo metnaja nintemolhama.
Apquiltomja apquilmopvancaa amyaa najan apquilyinimquiscama.#Sal 18.50.
12Apquilquictinquic nincoo inquitquic, malha ninganma ayitcoc.
Nincoo inquitquic quilvanaa alyitsomalhca mataymong (poste) altamila.
Yoyam colhic allana tingma apponquinomap.
13Aplanoc mataa tingma acnaycamcolha acyilhna najan cotlaycaoc nintom.
Elhamiclhac sat ninatoscama, mongmovan ongilyipsitic.
Eleyoc sat amyip metlaycaoc ninatoscama (nipquesic).
14Inlhameclhec ninatoscama vayqui, mepqui actiyam lapamqui.
Mepqui quimpocjacme tingma ingac (mepqui cotnaja ingmoc).#Lv 26.3-6.
15Ningilinyejemo nincoo ningvita inlhojo actema nac jay.
Ningilinyejemo nincoo ningvita inlhojo Dios aptomja Visqui ingac.#Sal 33.12.
Currently Selected:
SALMOS 144: ENHL
Highlight
Copy
Compare
Share
Want to have your highlights saved across all your devices? Sign up or sign in
