SALMOS 143
143
Aclingacamco ingvalhoc
1Visqui ajac.
Ingyeylhojo silmalhnancama najan silmalhnaycam asoc.
Jeyatingmojo coo.
Appeyvomo nac lhip najan mepqui apyeycajascaoc appayvam.
2Nolyipsit nasa acvamlha sicsilhnanomalhca ajanco.
Paj lhama appeyvomo napato lhip.#Ro 3.20; Gá 6.16.
3Elya'masquic cotnaja ingmoc.
Eltovasquic coo yoyam jelajic.
Intomjac malha selpalhaquiscama apquilmasquingvaycmo nano naysicsa yatescamalhma.
4Mepqui mocjam acyimnatem evalhoc coo.
Intiyacmec evalhoc coo.
5Inyitnec ejatic nintamin alhta.
Inlhenquic evalhoc acyovoclhojo aptamjaycam lhip.
6Almalhnaquic mataa lhip sicmiyasquiclha netin emeoc.
Inyamacoc evalhoc coo.
Malha ningvita lhopactic mepqui acmamay.#Sal 42.1-2; 63.1.
7Visqui ajac.
Ingyeylhojo quilhvoc anco.
Movanquejec coo mocjam.
Jemyov coo yoyam momatneje.
8Jeyasicjojo mataa alhtoo.
Coo eyca mepqui sicyasquiyam lhip (yoyam jepasmoc).
Jeyascasingvom sictemaclha naysicsa sictiyascam (mosilhnanalhqueje).
Apvamlha lhip aclhanma mataa evalhoc coo.
9Visqui ajac.
Jevomquis tap napatavo cotnaja ingmoc.
Sicyilhanmeycam lhip.
10Jeyascasingvom sat lhip apmayjayoclha.
Dios Visqui ajac nac lhip.
Lhip espíritu apanco jeyantemiclhac sat amay acpeyvomo (omyovalhcac sat).
11Visqui ajac.
Jeyane sat colhic sicyimnatem (jeyimnaticsojo coo).
Appeyvomo apanco nac lhip.
Jevomquis tap siclingaycamco acyimtalhnama.
12Lhip aptomja seyasicjayo.
Inatovas sat cotnaja ingmoc.
Isavojo sat apnatoscama cotnaja ingmoc.
Coo sicvisay silancam lhip.
Currently Selected:
SALMOS 143: ENHL
Highlight
Copy
Compare
Share
Want to have your highlights saved across all your devices? Sign up or sign in
