SALMOS 140
140
Apquiltemaclha singilinmelhaycam
1Visqui ajac,
Jevomquis tap napatavo apquilmapsomcaa.
Jemyov coo napatavo selinmelhaycam (seltovascama).
2Avanjec mataa alquitamsama apquilvalhoc acmasom.
Apquilatingmacpec mataa nipyesicsa acyovoclhojo acnim.
3Asquejec mataa apquilpayvam, malha acyeyva actaclhama.
Asquejec mataa apquilpayvam, malha veneno acyeyva actaclhama.#Ro 3.13.
4Visqui ajac, jemyov coo napatavo apquilmapsomcaa.
Jemyov coo napatavo selinmelhaycam (seltovascama).
Jemyov coo, yoyam mosilhnanalhquejec sat maa (nipyesicsa).
5Apquillanay quiljanma, yoyam jelmoc as enlhitaoc ayajamalhco apquilvalhoc.
Apquillanay quiljanma yamyamayin najan yamtama, yoyam jelmoc coo.
Apquillanay quiljanma amay siclhingam coo, yoyam jelmoc.
6Actomjac alhta coo:
—Lhip nac Dios Visqui ajac.
Ingyeylhojo silmalhnancama sicyimantesa sicpayvam — alhta actomjac coo.
7Visqui, Visqui ajac.
Apmopvan innac lhip semasma coo.
Lhip aptomja setamilquiscama ningvita inlhojo ningilnapomalhca.
8-9Visqui ajac.
Noelmiyov nasa enlhit apquilmapsomcaa.
Nongyeylhojo nasa actemaclha alquitamsama apquilvalhoc.
Apquilvascapquic maa ellanac quimpocjacme.
Ilane sat ellingamcojo acyanmongayclha apquiltemaclha apancaoc.
10Ilane sat ellingamcojo talha, yoyam elmetic.
Elyinjacpoc sat natilh.
Ilane sat elyinjacpoc malhic congno.
Colapvanquejec mataa elanteypoc.
11Ilane sat elantipsacpoc yoclhilhma apquilmopvancaa amyaa.
Ellingamcojoc sat acyanmongayclha apquiltemaclha apancaoc apquilmapsomcaa.
12Acyasamcoc coo Visqui ingac aptemaclha apyicpilquemo appeyvomo.
Elmiyovacpoc sat mataa mepqui apquilnatam.
13Colhic sat ayaco mataa lhip apvisay ayinyema enlhit apquilpeyvomo.
Elhnam sat mataa napato lhip enlhit actamilaycam apquilvalhoc.
Currently Selected:
SALMOS 140: ENHL
Highlight
Copy
Compare
Share
Want to have your highlights saved across all your devices? Sign up or sign in
