SALMOS 139
139
Dios aptomja apyascamco
1Lhip Visqui ajac.
Apyasamcoc lhip actemaclha evalhoc coo.
2Apyasamcoc lhip sictemaclha ajanco.
Apmamyi anco apyascamco lhip alquitamsama evalhoc.
3Apyasamcoc lhip actemaclha sictiyascam.
Apyasamcoc lhip actemaclha asoc sillanay.
4Apyasamcoc lhip sicpayvam amamyi mopamejitsaclha mocjam.
5Apnec mataa lhip neyava coo.
Inyitnec lhip apmic tecjelhit coo.
6Pilapcasquic sicvita aptemaclha lhip apyascamco.
Paj coo ovanac oyasingvomoc aptemaclha lhip apyascamco.
7¿Jalhco sat oyacsic ongvinyejic, oyinyoc lhip espíritu pac?
¿Jalhco sat oyacsic ongvinyejic napato lhip?
8Ayinamtec sat ancoc netin siyinyem coo, otjanyac sat mataa lhip.
Acyasquic sat ancoc siyinyem alyascamaclha ingjangaoc, otjanyac sat najan lhip.
9Actomjaclhec sat ancoc malha nata ayimpay siyinyem actiyapmaclha acnim.
Acnaclhec sat ancoc yingmin acvanyam actalhningvamlha acnim.
10Jetac sat lhip maa, jemoc sat maa.
Mejeyimyeclhejec sat lhip.
11Altamjo inyicje oyilhanmoc yatesaclhilhma.
Comascoc sat ayitsayolhma, cotniclhac sat alhtaa.
12Alhtoc sat cotnejic sicyilhanmom yatescama'lhma.
Ayitsay'olhma acvanyam sat cotniclhac alhtaa.
Innoc moc ayitsay'olhma najan yatescama'lhma napatoc lhip.#Jer 23.23-24; Am 9.2.
13Lhip alhta setnesquiscama sicaa avalhoc meme.
Lhip alhta aptomja apquillanay evalhoc sictemaclha sicaa.
14Actimec coo siyayo lhip ayinyema aptamjaycam simpilapquiscama.
Actemaclha apquillanay sicyovoclhojo.
Lhip apyasamcoc actemaclha evalhoc.
15Apyasamcoc lhip mepqui lha coo, malha sicposomalhca.
Apyasamcoc lhip sevanimquiscama avalhoc meme coo.
Motamalhca coo siclhoc anco, malha sicposomalhca actomjaclhac congnoc anco.
16Etac alhta lhip siclhoc anco, mepqui lha coo.
Inyitnec actalhesomalhca as asoc lhip vaycajac 'pac.
Intalhosalhquic aclhamoclhojo acnim yoyam otyisam.
Intalhosamalhquic siclhoc anco, mepqui lha coo.
17Lhip Visqui ingac, actamila anco aclhanma apvalhoc lhip.
Avanjec anco mataa aclhanma apvalhoc lhip.
18Cotlaycaoc intomjac, malha lhopactic anic mongmovan ongilyipsitic.
Olhic sat apnaclha lhip, sicpenesa selyipsatem.
19Lhip Dios Visqui ingac.
Ingyane sat elitsapoc apquilmapsomcaa.
Jeyas anco ticyovam yapmayc.
20Apquilvennam mataa as enlhitaoc apquilinmelhaycam lhip.
Apquiltomja apquilantipquiscama lhip apvisay.
21Lhip Visqui ajac, ¿evanqui ya otanova as enlhitaoc apquilinmelhaycam lhip?
¿Evanqui ya olvennam as enlhitaoc apquiltomja apquiltanoncama lhip?
22Naso, avanjec actanoncama evalhoc as enlhitaoc.
Malha cotnaja emoc apquiltomjac.
23Lhip Visqui ajac.
Iyicpilcojo actemaclha evalhoc.
Jeyipcon siclho, iyasamcojo actemaclha alquitamsama evalhoc.#Sal 17.3; 26.2.
24Jemyov sat coo, acyitna inlhojo sicyiplovquiscama ayasomquilha.
Jeyantemiclha amay acpevomo cotningvoyam nelha.
Currently Selected:
SALMOS 139: ENHL
Highlight
Copy
Compare
Share
Want to have your highlights saved across all your devices? Sign up or sign in
