SALMOS 141
141
Apquiltemaclha cotnaja ingmoc
1Visqui ajac.
Jepasingvota quilhvo nac jay.
Ingyeylhojo silmalhnancama.
2Cotnejic sat silmalhnancama, malha macmescama lhip.
Cotnejic sat sicmiyasquiclha netin emeoc.
Malha macmescama lhip actalhnam.#Ap 5.8.
3Visqui ajac.
Ingyapiclha sat lhip ejatong.
Cotyepejec sat sicpayvam meyisponcama lhip.
4Nongyane nasa colquitmoc evalhoc actemaclha acmasom.
Motnejec sat sicmasom.
Nongyane nasa opasmiclha enlhit apquilmapsomcaa.
Mopasmejec sat aptoycaoc fiesta apancaoc.
5Aptasi nac enlhit appeyvomo seltamescama coo.
Malha asoc masis intomjac appayvam seyascama coo.
Motanovejec mataa seltamescama.
Olmalhnesquisic sat mataa siclinga inlhojo seyascama coo.
6Eltimesacpoc sat apquilviscaa apnaycam netin mataymong.
Elyicpilcangvomoc sat sicpayvam altomja altamila siclhanma siclho.
7Invitalhquic (apjápaoc) appilhquipcoc ayilhpansomalhca nicja tacjalhop.
Malha alhpejic ningilcacjem lhopactic ningvita atamnic.
8Visqui, Visqui ajac.
Alanoc mataa lhip, yoyam jepasmoc.
Nojeyinyov nasa coo.
9Jemyov coo, sicvita inlhojo quiljanma, yoyam jelmoc naysicsa siclhingam.
Jemyov coo, sicvita inlhojo quiljanma, yoyam jelmoc apquilmapsomcaa.
10Ingyane sat elmacpoc apanco, ayinyema almam quiljanma apancaoc.
Coo eyca otyisam ajanco (mepqui sicmomalhca).
Currently Selected:
SALMOS 141: ENHL
Highlight
Copy
Compare
Share
Want to have your highlights saved across all your devices? Sign up or sign in
