SALMOS 136
136
Actemaclha ningayo Visqui ingac
1Aptasi nac Visqui ingac. Eltime gracias.
Comasquejec singasicjayo Visqui ingac.#1 Cr 16.34; 2 Cr 5.13; 7.3; Esd 3.11; Sal 100.5; 106.1; 107.1; 118.1; Jer 33.11.
2Apyimtalhnamo Dios nipyesicsa dioses. Eltime gracias.
Comasquejec mataa singasicjayo Visqui ingac.
3Apyimtalhnamo Visqui nipyesicsa apquilviscaa. Eltime gracias.
Comasquejec mataa singasicjayo Visqui ingac.
4Apvamlha lhama apmopvan simpilapquiscama.
Comasquejec mataa singasicjayo Visqui ingac.
5Apyascamco apquillanay nic nat netin.
Comasquejec mataa singasicjayo Visqui ingac.#Gn 1.1.
6Aptipquiscama nic nat lhopactic naysicsa yingmin.#Gn 1.2.
Comasquejec mataa singasicjayo Visqui ingac.
7Aptipquiscama nic nat acnim najan piltin.
Comasquejec mataa singasicjayo Visqui ingac.
8Actomja acnim ayitsasquiscama olhma.
Comasquejec mataa singasicjayo Visqui ingac.
9Piltin najan apyova apquilapongmatem alhtaa.
Comasquejec mataa singasicjayo Visqui ingac.#Gn 1.16.
10Apquilnapma nic nat aptiyam sicaa co Egipto.
Comasquejec mataa singasicjayo Visqui ingac.#Ex 12.29.
11Apquilyinyovquiscama nic nat yoclhilhma Egipto.
Comasquejec mataa singasicjayo Visqui ingac.#Ex 12.51.
12Apmopvan nic nat innac, apmiyasquiclho netin apectong.
Comasquejec mataa singasicjayo Visqui ingac.
13Apquilhpanquiscama nic nat yingmin Acyilhvasem.
Comasquejec mataa singasicjayo Visqui ingac.
14Apquilmilaneycaoc nic nat mepqui lha yingmin.
Comasquejec mataa singasicjayo Visqui ingac.
15Yingmin nic nat inquilnapac faraón najan apquillhalhmaa.
Comasquejec mataa singasicjayo Visqui ingac.#Ex 14.21-29.
16Apnalaclhec nic nat enlhit yoclhilhma actamopeycaoc.
Comasquejec mataa singasicjayo Visqui ingac.#Dt 8.2,15.
17Apticyovquic nic nat apquilviscaa apquilyimtalhnamo.
Comasquejec mataa singasicjayo Visqui ingac.
18Apticyovquic nic nat apquilviscaa apquilmopvancaa.
Comasquejec mataa singasicjayo Visqui ingac.
19Apvisay Sehón, apvisqui nipyesicsa amorreos.
Comasquejec mataa singasicjayo Visqui ingac.#Nm 21.21-30.
20Apvisay Og, apvisqui nipyesicsa co Basán.
Comasquejec mataa singasicjayo Visqui ingac.#Nm 21.31-35.
21Apquilmilasquic nic nat yoclhilhma nipyesicsa apnaymacoc.
Comasquejec mataa singasicjayo Visqui ingac.
22Apquillhocac nic nat yoclhilhma Israel apquilmolhama.
Comasquejec mataa singasicjayo Visqui ingac.
23Am nic nat colvoncacmoc singvita ninlingaycamco.
Comasquejec mataa singasicjayo Visqui ingac.
24Aptomja singvomquiscama tap napatavo cotnaja ingmoc.
Comasquejec mataa singasicjayo Visqui ingac.
25Aptingyasquiscama aptoycaoc enlhit najan ninatoscama.
Comasquejec mataa singasicjayo Visqui ingac.
26Eltime sat gracias Dios Visqui ingac apna netin.
Comasquejec mataa singasicjayo Visqui ingac.
Currently Selected:
SALMOS 136: ENHL
Highlight
Copy
Compare
Share
Want to have your highlights saved across all your devices? Sign up or sign in
