SALMOS 137
137
Actemaclha naysicsa ningmomalhca
1Ningnec alhta nicja vatsam tingma Babilonia.
Avanjec alhta ningyapcalhem aclhanvayclho ingvalhoc tingma ingac Sión.#Ez 3.15.
2Ningilquilhnec alhta netin yamit arpa actemaclha yatalhpong.
Netin yamit alimja alhta nipyesicsa tingma.
3Apquililtamjoc alhta elaylhojo ningminaycmascama apquiltomja singilmam.
Apquililtamjoc alhta yoyam ongilitsovacsojo apquiltomja apquilasquiscama ingyimpeoc.
Apquiltomjac alhta singilanya:
—Elminaycmas sat ningminaycmascama aclhanma tingma Sión — alhta apquiltomjac.
4¿Ingvanqui ya ongilminaycmacsic cotnajaclha ningaoclha? — intomjac ingvalhoc.
5Inmasquec sat ancoc aclhanma ingvalhoc tingma ingac Jerusalén.
Comascoc sat actemaclha ningyimnatem, malha mepqui ingmic acyimnatamaclha sat cotnejic.
6Inmasquec sat ancoc aclhanma ingvalhoc tingma ingac, mepqui nimpayvam sat cotnejic, malha acyamay ingalhcoc sat cotnejic.
Ontimjic sat mataa ningayo tingma Jerusalén.
Coyangvomoc sat tap ningayo, am colhnoc actemaclha ningitsovascama.
7Visqui ingac, iyanmongsiclha sat lhip apquiltemaclha cotnaja ingmoc edomitas.
Naysicsa apquiltovascama tingma Jerusalén apquiltomjac mataa apquilpalhamaycam:
—Elnatovas, elsavojo sat apnatovascama tingma — alhta apquiltomjac cotnaja ingmoc.#Abd 10-15.
8Quellhip tingma Babilonia, colhic sat acnatovasa quellhip.
Colhic sat acyanmongseclho apquiltemaclha quellhip.
Intasic anco aptemaclha enlhit apquiltomja apquilyanmongsayclha apquiltemaclha,#Jer 50.29; Ap 18.6.
9apquiltomja apquilmam quellhip apquitquic.
Apquiltomja apquilyinjam lhop (lhopactic) yoyam elitsapoc quellhip apquitquic.
Currently Selected:
SALMOS 137: ENHL
Highlight
Copy
Compare
Share
Want to have your highlights saved across all your devices? Sign up or sign in
