HABACUC 1
1
Profeta appayvam
1Eycaso amyaa ayinyema ilhnic nat Dios Apyimtalhnamo, acvitay apvanmoncama profeta Habacuc.
2Dios Apyimtalhnamo, ajolhec mataa silmalhnaycam lhip, yoyam epasingvota lhip. ¿Am ya ingyajalhnoc lhip? Ajolhec mataa sicpalhamaycam, elanojoc lhip apquiltemaclha apquilmapsomcaa. ¿Mejingilmiyoveje ya lhquip?#Job 21; Sal 13.1-2; 73.4-14; Jer 12.1-4; 14.9; Ap 6.10.
3¿So actomja yi setasquisa lhip asoc acmasom najan apquillingaycamco acyimtalhnama enlhit? Yitnec apquiltemaclha apancaoc enlhit najan apnatovascama lhalhma anco. Yitnec apquilnapomap nipyesicsa najan apquilatingmoctama enlhit.
4Am elyiplovcasac mataa singanamaclha najan nintemaclha acpeyvomo, malha apquiltoyam apquiltomjac. Enlhit apmapsom aptomja apyamascam enlhit appeyvomo. Innec actovasa nintemaclha acpeyvomo — nic nat aptomjac profeta.#Hch 13.41.
Appayvam ayinyema Dios Apyimtalhnamo
5Aptomjac alhta Dios Apyimtalhnamo: Quip elanojo nipyava quellhip apquiltemaclha metnaja apquiltemolhama. Elinmelhojo sat quellhip, cotlapsic sat elvita. Quilhvoc sat elvitac sictomjaclha, elyascomoc sat aclingalhco inlhojo nipyesicsa quellhip.
6Olapajacsic sat enlhitaoc caldeos#2 R 24.2. ellana apquilimpocjay. Apquiltemaclha apancaoc apquilnapomap, elsavojoc yoclhilhma lhalhma anco. Eltimjic sat apancaoc yoclhilhma cotnajaclha siclho apquileyvomaclha.
7Apquiltimescasquic mataa apquilay enlhitaoc, mepqui apquillhanma mataa singanamaclha.
8Inlhincasoc mataa apquilinyem nolhing apquilquinamtem, acno ayinyem asoc navjac. Avanjec mataa apquillom, am colhno asoc navjac aclom yoclhilhma actamopeycaoc. Appintalhnama mataa apquilinyem nolhing apcapaoc, apquilinyema mocjay, elimpocjac enlhit. Malha mama apyivey apvayventama intomjac apquilimpocjay.
9Apquilsovjoc mataa apnatovascama, inyangvocmec mataa apquilay enlhit. Apnalaclhec mataa apquilmomap, mongmovan ongilyipsitic.
10Apquilasmasquic mataa apquilvenná apquilviscaa najan apquilyimtalhnamo. Apquilasmasquic mataa apquilyilhanmomaclha singilpilhtetemo. Apquilicjesquic maa lhopactic, quilhvoc mataa elquinamtic elimpocjac maa.
11Apquilyitsomacpo yatepiyam, mepqui apquillhanma Dios apyimnatem. Apquillhenacpec apanco apquilyimnatem — alhta aptomjac Dios — nic nat aptomjac profeta.
Mocjam profeta appayvam
12Aptomjac nic nat profeta: Lhip Dios Apyimtalhnamo. Apnec mataa lhip apvisay memasquingvoyam, mayayo nac lhip. Aptomja semasma coo. Lhip alhta apcapajascama caldeos, yoyam elyanmongsiclha nintemaclha inganco.
13Aptasi nac lhip, copvanquejec lhip elanojo apquiltemaclha acmasom, najan apquiltemaclha melpeyvomo. ¿Apquilano ya lhquip apquiltemaclha apancaoc mepqui apcascama? ¿Apvita ya lhquip apquilmapsomcaa apnatovascama apquilpeyvomo, mepqui ya appayvam lhip?#Sal 5.4-6.
14¿So actomja yi? Apyitcasquic lhip as enlhitaoc quilasma aleyvam yingmin acvanyam, malha asoc navjac mepqui inyapmoc.
15Apquiltemaclha caldeos elmoc enlhitaoc cotnaja ingmoc, acno enlhit aptingyey quilasma. Yitnec apquilmaycam asocjalhem najan yamayin. Apvitac cotlaycaoc quilasma, acyiplomo acpayjayclha apquilvalhoc.
16Aptimec enlhit aptingyey quilasma apcayo apquilmaycam yamayin najan asocjalhem. Aptingyascasquic asoc macmescama apquilmaycam, najan apquilvatnama asoc acmasis mayayo apquilmaycam. Cotlaycaoc mataa aptom actamila ayinyema apquilmaycam, colhic sat ayaco.
17¿Naso ya jingilmoc caldeos apquilmaycam yamyamayin, malha tingyey quilasma? ¿Naso ya jingilnapoc mepqui singasicjayquiclha mocjam? — nic nat aptomjac Habacuc.
Currently Selected:
HABACUC 1: ENHL
Highlight
Copy
Compare
Share
Want to have your highlights saved across all your devices? Sign up or sign in
