Popular Bible Verses from HABACUC 1

Share

Aptomjac alhta Dios Apyimtalhnamo: Quip elanojo nipyava quellhip apquiltemaclha metnaja apquiltemolhama. Elinmelhojo sat quellhip, cotlapsic sat elvita. Quilhvoc sat elvitac sictomjaclha, elyascomoc sat aclingalhco inlhojo nipyesicsa quellhip.

Dios Apyimtalhnamo, ajolhec mataa silmalhnaycam lhip, yoyam epasingvota lhip. ¿Am ya ingyajalhnoc lhip? Ajolhec mataa sicpalhamaycam, elanojoc lhip apquiltemaclha apquilmapsomcaa. ¿Mejingilmiyoveje ya lhquip?

¿So actomja yi setasquisa lhip asoc acmasom najan apquillingaycamco acyimtalhnama enlhit? Yitnec apquiltemaclha apancaoc enlhit najan apnatovascama lhalhma anco. Yitnec apquilnapomap nipyesicsa najan apquilatingmoctama enlhit.

Am elyiplovcasac mataa singanamaclha najan nintemaclha acpeyvomo, malha apquiltoyam apquiltomjac. Enlhit apmapsom aptomja apyamascam enlhit appeyvomo. Innec actovasa nintemaclha acpeyvomo — nic nat aptomjac profeta.