Gianyuta 12
12
Dako kede Twol Kiyiliyili
1Twon gianena me aura oko neeno i malo. Dako moro oko neeno kame ongapo ceng, di duwe tie i dud tiene, kede di engapo i wie ocoro me angosibib kame tie kede acerin tomon kiwie are. 2En oudo eyac eyapuno nywal; di eko kok pi aramo kede acanitoi me nywal.
3 #
Danieri 7.7
Di bobo gianena me aura ace oko neeno i malo. Twon twol kiyiliyili akwar oko neeno, kame tie kede wie kanyaare kede tunge tomon, di icoron kanyaare me angosibib oudo tie i wie nogo. 4#Danieri 8.10En eko wano acel i kom adek me acerin dedede ki malo kede yibe, di eko uco gi piny i lobo. Di twol kiyiliyili nono oko cungo i nyim dako kame oudo oyapuno nywal nono, me wek ka enywal ecamaro atin mere cucuto. 5#Isaya 66.7; Sabuli 2.9En eko nywalo atin awobi, kame bino pugo atekerin dedede kede ebela me lilim. Do oko waraso atin nono di oko tere but Rubanga i kom meren me ajakanut. 6Dako nono oko ringo i tim, kabedo kame Rubanga oudo oiko ne, kakame kobino pite kiye pi ceng tutumia acel kede tol are kede ot kanyape.
7 #
Danieri 10.13, 21; 12.1; Yuda 9 Kikano yi oko cakere i malo. Emikairi kede imalaikan mege oko yi kede twol kiyiliyili nono, di twol kiyiliyili nono kede imalaikan mege oko yi kede gi, 8do oko bwono gi di kiko doko li kede kabedo i malo. 9#Ageini 3.1; Luka 10.18Di oko uco twon twol kiyiliyili nono piny, twol me anakacia nono, kame kolwongo be Sitani, ngat kame ngalo jo dedede me piny. Bin oko uce piny i lobo, en karacel kede imalaikan mege.
10 #
Yobu 1.9-11; Sakaria 3.1 Di ango ako winyo dwan amalo di yamo i malo be, “Nan do alako, twer kede Ajakanut ka Rubanga wa, kede akarunikin ka Kirisito mere otieko bino. Pien kotieko uco ngat kame pido imiegu kede amiegu wa piny, ngat kame pido gi i nyim Rubanga wa iwor kede iceng. 11Gin kibwone pi remo me Katin Romo kede pi kop me ijura kame gin kimio, pien gin oudo likame kiparo pi kuo gi akadi paka tuno i to. 12Pi mano, lel do, in malo kede wun dedede kame ibedunu iye! Do itienu i can, wun lobo kede nam, pien Sitani otieko bino butu kede twon lilo, piento en engeo be kare mere cecek!”
13Kakame twol kiyiliyili nono oneno kede be kotieko uce piny i lobo, en eko cako diebere kede dako kame oudo onywalo atin awobi nono. 14#Danieri 7.25; 12.7Do oko mino dako nono bwome are me ekokom adwong, me wek epor tenge kibut twol nono di eko ot i tim, kakame kobino pite kiye pi mwakini adek kede dul. 15Twol nono oko nyeto pii ki doge, kame ineno bala ecilet, pi koto molo dako nono. 16Do lobo oko konyo dako nono; lobo ongamo doge di eko mwonyo ecilet me pii kame twol kiyiliyili nono oudo onyeto ki doge. 17Di cuny twol kiyiliyili nono oko wang i kom dako nono di eko ot yi kede ikwae mege, gin jo kame lubo cik ka Rubanga kede kame mio ijura i kom Yesu. 18Di twol nono oko ot cungo i asinge me dog nam.
Currently Selected:
Gianyuta 12: BILK13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
