Gianyuta 11

Ijurak Are

1 # Esekeri 40.3; Sakaria 2.1-2 Di oko mina magada kame cal bala gikame opimo kede boro, di oko waco na be, “Ot ipim rom me tempulo ka Rubanga, alutari, kede imar wel me jo kame woro Rubanga iye. 2#Luka 21.24Do kur ipim diakal kame tie ooko me tempulo, weke, pien kotieko mine i cing jo kalikame woro Rubanga, doko gin kibino nyonyono Bomba Kacil pi dwete ot ongwon kiwie are. 3Doko ango abino mino ijurak na are akarunikin me imurai pi ceng tutumia acel kede tol are kede ot kanyape, di kingapo giangapa me iturur.”

4 # Sakaria 4.3, 11-14 Magi en olibeti are kede jamini are me cibo italan, kame cungo i nyim Rwot me lobo. 5Ka ngatamoro mito timo ne gin raco, mac bwote ki dog gi di ko wango jokwor gi; ngatamoro kame mito timo ne gi raco, miero neke iepone noni. 6#1 Abakai 17.1; Yai 7.17-19; 1 Samuel 4.8Gin kitie kede twer me cego malo, tetekeny kot likame cwei i kare kame gin kimurao kede. Doko gin kitie da kede akarunikin i kom pii, me loke doko remo, kede akarunikin me kelo peko apapat i wi lobo, di kiruruco bala kame cuny gi mito.

7 # Danieri 7.7, 21; Gianyuta 13.5-7; 17.8 Kame gin kitieko mino ijura gi me kop ka Rubanga, le nono kame wok ki bur atut wiriwir bino yi kede gi eko bwono gi, di eko neko gi. 8#Isaya 1.9-10Liele gi bino buto i dier gudo me bomba adwong, kakame koguro kiye Rwot gi. Kame oporo apora, bomba nono kolwongo be Sodoma kede Misiri. 9Jo dedede, abilere dedede, leb dedede kede atekerin dedede bino neno liele gi pi ceng adek kede dul, di kidagi be yik gi i ates. 10Jo kame bedo i wi lobo bino bedo kede kilel di kitedo ibagai kede di kimio giamia but jowot gi ken gi ken gi pi to me inabin are nogi, pien gin oudo kikelo can adwong ne jo kame bedo i wi lobo. 11#Esekeri 37.10Do ingei ceng adek kede dul, wei me kuo kame wok kibut Rubanga oko donyo i kom gi, di kiko yai malo kicungo, di lworo adwong oko mako jo koneno gi. 12#2 Abakai 2.11Di jo are nogo oko winyo dwan amalo kowok ki malo di waco ne gi be, “Bianu malo kan!” Gin kiko ot malo kede edou di jokwor gi neno. 13#Gianyuta 6.12; 16.18Iesawa nono piny oko yangere kitek, di acel me tomon me bomba nono oko popoto piny; jo tutumia kanyaare oko to pi yangere me piny nono. Lworo adwong oko mako jo icegun dedede kame oudo odong, di kiko mino deyo but Rubanga me malo.

14Can me are otieko kato, do nenunu, can me adek oyapuno tuno.

Agwara me Kanyaare

15 # Yai 15.18; Danieri 2.44; 7.14, 27 Malaika me kanyaare di oko kuto agwara mere, di dwan atot amalo oko winyere di yamo i malo be, “Ajakanut me piny otieko doko me ka Rwot wa kede me ka Kirisito mere, doko en ebino pug ikar kede ikar.” 16Di joadongo ot are kiwie ongwon kame oudo tie bedo i komini gi me ajakanut i nyim Rubanga oko riebere piny di kiko woro Rubanga, 17di kiwaco be,

“Wan opwoi, Rwot Rubanga won Twer,

in en kame nan itie doko oudo itie sek,

pien in inyuto twer ni adwong

di iko cako pug.

18 # Sabuli 2.5; 110.5; 115.13 Atekerin bin oko doko ger, di lilo ni oko bino,

kede kare me ngolo kop ne jo oto da oko tuno.

Kare otuno me mino giamia me pwoc but jotic ni, inabin, kede jo ni,

kede but jo kame woro nyingi,

jo kame obedo jo me ruom apiny kede me ruom amalo,

kede kare otuno me dudubo jo kame dudubo wi lobo!”

19 # Gianyuta 8.5; 16.18, 21 Di oko yabo tempulo ka Rubanga i malo, Sanduku me Isikan mere oko neeno di tie iye. Di asara kame cal bala meny me kot, dwan atot, amwocumwocun bala me kot, yangere me piny, kede cwei atek me akako oko timere.

Currently Selected:

Gianyuta 11: BILK13

Highlight

Copy

Compare