Gianyuta 13

Leini Are

1 # Danieri 7.3; Gianyuta 17.3, 7-12 Di ango ako neno le moro di wok ki nam adwong. Oudo etie kede tunge tomon, kede wie kanyaare. Oudo etie kede icoron tomon me angosibib i tunge nogo, kede i wie acelacel oudo tie iye nying kame nyuto acae i kom Rubanga. 2#Danieri 7.4-6Le kame ango aneno nono oudo cal bala erisa, tiene oudo cal bala me edubu, di doge cal bala me engu. Twol kiyiliyili oko mine twer mere, kom mere me ajakanut, kede akarunikin adwong. 3Wi le nono acel oudo tie kede apore kame koto oudo romo neke, do apore nono oko cango, di jo dedede me wi lobo oko lubo le nono di kiuro. 4Jo oko woro twol kiyiliyili nono piento en oudo emio akarunikin mere but le nono. Di gin kiko woro le nono di kiwaco be, “Ngai kame cal bala le noni, doko ngai kame karuno yi kede?”

5 # Danieri 7.8, 25; 11.36 Di oko mino le nono twer me yamo kope me ewaka kame cao Rubanga, doko oko yei ne bedo kede akarunikin pi dwete ot ongwon kiwie are. 6En eko cako yamo kope areco me acae i kom Rubanga, ecao nyinge, kabedo mere, kede jo dedede kame tie i malo. 7#Danieri 7.21Oudo da koyei ne pi yi kede jokacil di eko bwono gi. Doko da oko mine akarunikin i kom abilere dedede, jo dedede, leb dedede kede atekerin dedede. 8#Sabuli 69.28Jo dedede kame bedo i wi lobo bino wore, gin en jo dedede kame cako di likame pwodi kocweo piny, likame kowandiko nying gi i itabu me kuo me Katin Romo kame oudo koneko.

9“Ka ngatamoro tie kede yite, wek ewinyi. 10#Yeremia 15.2; 43.11Ka oudo koiko ne ngatamoro be kobino make kotere, kobino make kotere da; ka oudo koiko ne ngatamoro to me epima, kobino neke kede epima da. Manoni tie lwongo but jokacil pi bedo kede ikanyakin kede yei.”

11Di bobo ako neno le ace kame owok ki wi lobo. En oudo etie kede tunge are kame cal bala me katin romo, oudo eyamo bala twol kiyiliyili. 12En eko tic kede akarunikin dedede me le me agege nono di le nono da tie kanono, di eko mino lobo kede jo kame bedo iye woro le me agege nono, kame oudo apore mere kame romo neke otieko cango. 13En etimo gianena adongodongo, kiton mino mac wok ki malo bino piny i wi lobo di jo dedede neno. 14Di en eko ngalo jo kame bedo i wi lobo kede gianena kame oudo koyei ne timo i nyim le me agege nono; en ewaco ne gi timo cal kame nyuto wor but le nono, le kame oudo kowano kede epima do en eko dong di ekuo. 15Doko oko yei ne mino cal me le nono wei kame mie kuo, tetekeny cal nono karuno kiton yamo di eko mino koneko jo kame dagi wore. 16Le nono oko mino koketo ne jo dedede alama i cing gi tetu cam arabo i tur nyim gi, jo kalikame pirgi tek kede jo kame pirgi tek, jo kobaro kede jocan, jo kalikame ipasoi kede ipasoi. 17Oudo likame tie ngatamoro kame karuno wilo arabo cato gimoro kwanyo di etie kede alama noni, manono en nying le nono arabo namba me nyinge.

18Manoni mito rieko. Ngat kame tie kede niang emar namba me le nono, pien ecungo pi nying dano. Namba mere tie 666.

Currently Selected:

Gianyuta 13: BILK13

Highlight

Copy

Compare