Ekyeshongoro kya Sulemaani 8
8
1Nkaabaasibwa ki, oba nka munyaanyazi,
Owaayonkire aha mabeere ga maawe!
Ku nkukubugaine aheeru, nkaakunywegyeire,
Kandi tihaine owaakungayire.
2 #
Enf 9:2, 5. Nkaakutwaire, nkuhitsya omu nju ya maawe,
Omu kishengye ky'ogwo owanzaire,
Nkunywaisa aha nturire ya viinyo
N'aha shande y'amakomamahanga gangye.
3 #
Kyesh 2:6, 7. Nkaabaasibwa ki, omukono gwe gwa bumosho gunshegura,
N'ogwa buryo gunfumbata!
4Imwe baishiki ba Yerusaalemu 'mwe, nimbarahiza,
Mutasisiimura nkunzi yangye, n'obu kwakuba okumwimutsya,
Atakeeyendeire.
Abaishiki ba Yerusaalemu
5Oriya orikwinamuka naaruga omu ihamba,
Ayegamiire nkunzi ye, n'oha?
Kishwera
Nkusisiimwire ahansi y'omucungwa,
Ahu nyonko yaarumiirwe naayenda kukuzaara;
Eego owaakuzaire niho yaarumiirwe.
Kishwerwa
6 #
Bir 4:24; Enf 6:34, 35; Isa 49:16; Rom 8:35. Onte aha mutima gwawe nk'akamanyiso,
Kandi onte n'aha mukono gwawe;
Ahabw'okuba rukundo n'ey'amaani nka rufu,
Kandi okufuuha tikusaasira, ni nk'ekituuro;
Endimi zaakwo nizityankana nk'ez'omuriro,
Nk'ez'omuriro ogurikurya busha.
7Amaizi maingi tigarikubaasa kuraaza rukundo,
N'emyegyemure tekaagimira;
Omuntu n'obu yaakuhayo ebi atungire omu ka ye byona,
Bikaagayirwa kimwe.
8Twine murumuna waitu omuto,
Takashunire mabeere.
Mbwenu turyamugira tuta
Aha izooba eri arigambirwaho obugyenyi?
9Ku ariba orugo rw'amabaare,
Turyamwombekaho omunaara gw'efeeza;
Kwonka ku ariba omuryango,
Turyamukingisa embaaho z'emyereezi.
10Nyowe nkaba ndi orugo rw'amabaare;
N'amabeere gangye gari nk'eminaara
Okuruga obwo naagira obusingye omu maisho ge.
11 #
Isa 7:23; Mat 21:33. Sulemaani akaba aine omusiri gw'emizaabibu Baali-hamoni,
Yaarutamu abarinzi,
Buri muntu okuguma naaha ebicweka by'efeeza ahabw'ebijuma byamwo.
12Omusiri gwangye gw'emizaabiru n'ogwangye ahabwangye.
Iwe Sulemaani, oryaheebwa rukumi rwawe,
N'abarinzi b'ebijuma baheebwe magana abiri.
13 #
Kyesh 1:7; 2:14; 5:1. Iwe otuura omu misiri,
Bagyenzi bangye nibenda kuhurira ebi orikugamba;
Naanye ka mbihurire.
14 #
Kyesh 2:17. Nkunzi yangye, rahuka, obe nk'esirabo,
Nari nk'eshonga y'empara
Aha nshozi z'eby'emigaju.
Currently Selected:
Ekyeshongoro kya Sulemaani 8: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
