Isaaya 1
1
Ruhanga okutonganisa abantu be n'okubahana
1 #
2 Bag 15:32—16:20; 18:1—20:21; 2 Bus 26:1—32:33; Isa 7:1-12; 36:1—39:8. Okworekwa kwa Isaaya mwene Amozi, oku yaareebire ahari Yuda na Yerusaalemu obu busingye bwa Uziya, Yosamu, Ahazi na Hezekia abagabe ba Yuda.
2 #
Bir 4:26; 32:1, 15. Iwe iguru 'we, hurira; naiwe nsi 'we, tega okutu,
Ahabw'okuba MUKAMA agizire ati:
Nkontsya abaana, naaboorora,
Kwonka mbwenu bangomeire.
3Ente emanya mukama waayo,
N'endogoya emanya eka ya mukama waayo,
Kwonka Israeli taine ki arikumanya,
Abantu bangye tibarikwetegyereza.
4 #
Isa 5:24; Ezk 14:5. Ai bambe, eihanga ry'ebibi,
Abantu abaijwire okutahikiirira,
Oruzaaro rw'enkozi z'ebibi,
Abaana abarikukora ebitahikire!
Baimwire MUKAMA,
Baagaya Orikwera wa Israeli,
Baahinduka, baagaruka enyima.
5 #
Yer 2:30; 5:3. Niimwendera ki kuguma nimuteerwa,
Nimuturwa okugumizamu nimugoma?
Omutwe gwona gurwaire,
Omutima gugwereire kimwe enshazi;
6Okuruga aha mara g'ekigyere okuhika aha mutwe
Tihaine hahuriire,
Kureka ebihuta, n'ebihonoka,
N'ebironda ebirikunuuka;
Tibikamigwaga, tibikashembwaga,
Nobu kwakuba okubobeezibwa n'amajuta.
7 #
Isa 6:11, 12; Bir 28:51. Ensi yaanyu n'amatongo,
Endembo zaanyu zookibwwe n'omuriro;
Ensi yaanyu abanyamahanga nibagibariira omumaisho,
Ebaire amatongo, emazirweho abanyamahanga.
8 #
Yob 27:18. Saayuuni etsigirweho
Nk'akaju k'omu musiri gw'emizaabibu,
Nk'eirindiro ry'omu musiri gw'emyongo,
Nk'orurembo rugotsirwe.
9 #
Kut 19:24; Rom 9:29. Kuri MUKAMA ow'amahe ataratukwatiire ihembe,
Tukaabaire nka Sodoma, tuba nka Gomora.
10Imwe bategyeki ba Sodoma 'mwe,
Muhurire ekigambo kya MUKAMA!
Naimwe abantu ba Gomora, mutegye okutu,
Muhurire ebiragiro bya Ruhanga waitu!
11 #
Enf 15:8; Yer 6:20. MUKAMA naagira ati:
Ebitambo byanyu ebirengyesereize nibingasira ki?
Ntamirwe ebitambo byanyu ebyokize eby'empaya z'entaama,
N'ebishaju by'amatungo agagomokire;
Kandi tindikushemerererwa shagama y'enimi,
Nari ey'abaana b'entaama, nari ey'empaya z'embuzi.
12Ku muba mwizire omu maisho gangye,
N'oha owaabaragiire kuguma nimundibatiiririra ekibuga?
13 #
Lev 23:36; Kub 28:9, 11; Yoel 2:15. Mutagaruka kundeetera empongano ezitaine mugasho;
Obubaane n'ekirikunugwa ahariinye;
Okuboneka kw'ameezi, na zaasabato, n'okutaho enteerane-
Tindikubaasa kugumisiririza kutahikiirira hamwe n'okuteerana okurikwera.
14Amagyenyi gaanyu ag'okuboneka kw'okwezi, n'agandi agaatairweho,
omutima gwangye nigugangira kimwe;
Gankabize; okugagumisiririza kunduhize.
15 #
1 Bag 8:22; Mik 3:4. Ku muritega emikono yaanyu, ndyabaima amaisho;
Nangwa n'obu muriguma nimushaba hakey-hakye, tindibahurira;
Ahabw'okuba engaro zaanyu ziijwire eshagama.
16 #
Zab 34:14; Yer 4:14; 22:3. Mwogye, mweboneze,
Mwiheho obubi bw'emicwe yaanyu omu maisho gangye;
Murekya kukora kubi,
17Mwegye okukora gye,
Musherure eby'oburyo,
Muhane abarikuhata abandi;
Murwanirire efuuzi, mutonganire abafaakazi.
18 #
Isa 43:26; Zab 51:7. MUKAMA naagira ati: Mbwenu nimwije tuhanuure hamwe;
Ebibi byanyu n'obu biraabe nibitukura nka karari,
Biryayera nk'orubaare;
N'obu biraabe nibitukura tuku-tuku,
Biryaba nk'ebyoya by'entaama ebirikwera.
19ku muraikirize, mwayoroba,
Muryarya ebirungi by'ensi;
20 #
Isa 40:5; Mik 4:4. Kwonka ku maraayangye, mukagoma,
Muryariibwa rurara;
Ahabw'okuba akanwa ka MUKAMA niko kaakigamba.
21 #
Yer 2:20; 31:23. Orurembo orwabaire nirwesigwa
Ka ruhindukire maraaya!
Omu eby'oburyo byabaire biri, n'eby'okuhikiirira,
Mbwenu hati abaitsi nibo barimu.
22Efeeza yaawe ehindukire enkamba,
Viinyo yaawe efungwire;
23 #
Yer 5:28; Mik 7:3; Zek 7:10. Abanyiginya baawe n'abagomi, kandi nibakwatanisa n'abashuma.
Buri muntu naayenda enguzi n'okutoijerwa,
Tibarikurwanirira fuuzi,
Kandi emanja z'abafaakazi tizaakihika mu maramuriro gaabo.
24 #
Kut 49:24. Nikyo Mukama, MUKAMA ow'amahe,
Ow'obushoboorozi owa Israeli arikugirira ati:
Iwe, ndyayemarira ekiniga aha bazigu bangye,
N'ababisha bangye mbahoore enzigu.
25 #
Ezk 22:20. Ndyakutaho omukono gwangye, gukurwanise,
Nyihiremu kimwe enkamba zaawe,
Nkumaremu ebyoma by'amabaati.
26 #
Zek 8:3. Ndyagaruraho abaramuzi baawe nk'obunyaakare,
N'abahi b'obwengye baawe nk'omu kutandika.
Bwanyima oryayetwa orurembo rw'okuhikiirira,
Kandi orw'okwesigwa.
27Saayuuni eryacungurwa okukora eby'oburyo,
N'abaamwo abarikweteisa bacungurwe okuhikiirira;
28Kwonka abagomi n'abasiisi baryacwekyerezibwa kumwe,
N'abarikwimuura MUKAMA bamarweho.
29 #
Isa 57:5; 65:3; Hos 4:13, 19. Ahabw'okuba muryakwatwa enshoni ahabw'ebiti by'emirinzi ebi mwakunzire,
Kandi n'ahabw'emisiri ei mwayetooraniire;
30 #
Yer 17:7, 8. Ahakuba muryaba nk'omwela oguhotoka amababi,
N'omusiri ogutaine maizi.
31Ow'amaani aryaba nk'eshisha,
N'omurimo gwe guryaba nk'esiriira;
Byombi biryahiira hamwe,
Habure ow'okubiraaza.
Currently Selected:
Isaaya 1: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
