Ekyeshongoro kya Sulemaani 7
7
Abaishiki ba Yerusaaleu
1 #
Zab 45:13. Iwe muhara w'omugabe 'we,
Ebigyere byawe ka nibishemera omu nkaito!
Enyugunyu zaawe ni nk'amabaare g'obuguzi bwingi,
Nomurimo gw'engaro z'omuhangu;
2Ekishoroshoro kyawe ni nk'ekikopo
Ekitakooshaga viinyo ejwangize;
Enda yaawe ni nk'ekirundo ky'engano
Ekyehinguririziibwe emyangangye;
3 #
Kyesh 4:4, 5. Amabeere gaawe ni nk'abaana b'esirabo babiri
Abaazairwe empasha.
4Ebitsya byawe ni nk'omunaara gw'emiino y'enjojo;
Amaisho gaawe ni nk'ebiyanja bya Heshibooni
Ebiri aha irembo rya Batirabiimu;
Enyindo yaawe ni nk'omunaara gwa Lebanooni
Ogurikureeba Damasiko;
5Omutwe gwawe ni nka Karumeeli;
Eishokye ryawe ni nk'omwenda gwa bujwa,
Omugabe akwatwa obutsibo bwaryo nk'enkwatwa.
Kishwera
6Iwe orikukundwa, omwishiki orikurigirwa,
Eshi ori murungi kandi nooshemeza!
7Ekyemerero kyawe ni nk'omukindo,
Amabeere gaawe ni nk'omutsitsa gwagwo.
8Ningira nti: Niinyija kutemba ogwo mukindo,
Nkwate amataagi gaagwo.
Nkaabaasibwa ki, amabeere gaawe gaba nk'ebijuma by'omuzaabibu,
n'okutaamirana kw'omwitsyo gwawe kuba nk'okw'emicungwa.
9Akanwa kaawe kaba nka viinyo erikuhita ezindi,
Erikuraba omu kanwa n'omu maino,
Ekasheneneka gye aha mumiro.
Kishwerwa
10 #
Kyesh 2:16; Zab 45:11. Ndi owa nkunzi yangye,
Kandi rukundo ye niinye eriho.
11Nkunzi yangye, ija tugyendane omu ishwa,
Tuze omu birorero, tucumbikyeyo;
12 #
Kyesh 2:13, 15; 6:11. Tugurukire omu misiri y'emizaabibu,
Tureebe oku erikutooka,
Tureebe ku eraabe yaarabize,
N'amakomamahanga gaarabize.
Okwo niyo ndaakworekyere rukundo yangye.
13 #
Kyesh 4:13; Kut 30:14. amadudayimu gareeta okutaamirana,
Kandi aha muryango gwaitu hariho ebijuma binuzire
Eby'emiringo yoona, ebisya n'ebikuru,
Ebi naakubiikiire, iwe nkunzi yangye.
Currently Selected:
Ekyeshongoro kya Sulemaani 7: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
