Ekyeshongoro kya Sulemaani 6
6
Abaishiki ba Yerusaalemu
1 #
Kyesh 1:8. Iwe mukazi ohita abandi 'we,
Nkunzi yaawe agiire hi?
Nkunzi yaawe yaagaruka hi,
Tukabona kumusherura naiwe?
Kishwerwa
2 #
Kyesh 4:16. nkunzi yangye yaashuuma omu musiri gwe,
Omu tusiri tw'emigaju,
Kuriisa obusyo bwe omu musiri,
N'okucwa emyangangye.
3 #
Kyesh 2:16. Ndi owa nkunzi yangye na nkunzi yangye nawe n'owangye;
Ariisiza obusyo bwe omu myangangye.
Kishwera
4 #
Zab 50:2; Tonz 2:15. Nkunzi yangye, ori murungi nka Tiruza,
Oshemeire nka Yerusaalemu,
Nootinisa nk'eihe eririkugyenda n'endango.
5 #
Kyesh 4:1-3. Nyihaho amaisho, ahakuba gankozire kubi;
Eishokye ryawe ni nk'obusyo bw'embuzi
Ezibyami omu rukiizi rwa Gileadi;
6Amaino gaawe ni nk'obusyo bw'entaama
Ezirikuruga kwogibwa,
Zoona zigira babiri, tihaine n'emwe efiisa;
7Enshaya zaawe ni nk'embari z'eikomamahanga omu kyetwekyerero kyawe.
8Hariho abagarire makumi mukaaga n'ebinyanshunju makumi munaana,
N'abaishiki batarikubarwa.
9Kwonka nkombe yangye, owangye oshugaine, n'omwe wenka,
N'omwana omwe nyamunegyere ahari nyina,
Orikukundwa owaamuzaire.
Abaishiki ku baamureebire, baamweta ohiiriirwe,
Nangwa n'abaigarire n'ebinyanshunju baamusingiza.
10Ogu n'oha owaija orikushusha nk'omushekye ogurikujuguta,
Murungi nk'okwezi, orikumurinkana nk'eizooba,
Orikutiinisa nk'eihe eririkugyenda n'endango?
Kishwerwa
11 #
Kyesh 7:12. Nkashuuma omu musiri gw'ebinyoobwa
Kureeba ebimezire omu mpita,
kureeba yaaba omuzaabibu gutookire,
Nari amakomamahanga garabize.
12Ntakakimanyire, omutima gwangye gwanta omu kigaari
Aha rubaju rw'omunyiginya mukama wangye.
Abaishiki ba Yerusaalemu
13Garuka, garuka, iwe Mushulaami 'we,
Garuka, garuka, tukwetegyereze.
Kishwerwa
Ahabw'enki nimwenda kwetegyereza Omushulaami
Nk'ekizino kya Mahanaimu?
Currently Selected:
Ekyeshongoro kya Sulemaani 6: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
