Ekyeshongoro kya Sulemaani 5
5
Kishwera
1 #
Kyesh 6:2; Yoh 3:29. Naija omu musiri gwangye, iwe munyaanyazi mugore wangye,
Kushoroma sumuruna yangye n'emigaju yangye,
N'okurya engabo zangye n'obwoki bwamwo,
N'okunywa viinyo yangye n'amate gangye.
Imwe banywani bangye, nimurye, kandi munywe;
Buzimazima munywe munonga, nkunzi zangye!
Kishwerwa
2 #
Kyesh 4:7. Nkaba ngwejegyeire, kwonka omutima gwangye nigureeba;
Naahurira eiraka rya nkunzi yangye naakongoota, naagira ati:
Nyigurira, munyaanyazi, nkunzi yangye,
Nkombe yangye, owangye oshugaine;
Ahakuba omutwe gwangye gutonzirweho orume,
N'eishokye ryangye ririmu amatondo ga nyekiro.
3 #
Luk 11:7. Naajwire ekijwaro kyangye,
Nimbaasa nta kukigarukamu?
Naanaabire ebigyere, ngarukye mbishiishe?
4Nkunzi yangye yaayozya engaro ze omu kihengyere ky'orwigi,
Omutima gwangye gwaijura okushemererwa.
5Naimuka kwigurira nkunzi yangye,
Engaro zangye nizitoonya sumuruna,
Sumuruna neeyagayaga aha nkumu zangye,
Yaatoonya aha byoma ebikinga orwigi.
6 #
Kyesh 3:1; Enf 1:28. Baigurira nkunzi yangye;
Naashanga yaayegyendeire, atakiriho-
Kwonka obu yaabaire naagamba, omutima gukampuruutuka-
Naamusherura, yaamburira;
Naamweta, tiyaanyetaba.
7 #
Kyesh 3:3. Abarinzi abaabaire bagyendagyenda omu rurembo
Bambugana, banteera, bamputaaza;
Abarinzi b'orugo rwarwo baanyaka omunagiro gwangye.
8 #
Kyesh 2:5, 7. Imwe baishiki ba Yerusaalemu 'mwe, nimbarahiza,
Ku muraareebe nkunzi yangye, mumugambire
Ku rukundo erikwenda kuunyita.
Abaishiki ba Yerusaalemu
9Beitu nkunzi yaawe naakiza ki abandi,
Iwe mukazi ohita abandi 'we?
Waaza kuturahiza otyo,
Nkunzi yaawe naakiza ki abandi?
Kishwerwa
10Nkinzi yangye naayera, naamwamwatikana,
Tarikubura mu bantu kakumi.
11Omutwe gwe ni nk'ezaabu nungi munonga,
Eishokye rye n'omushasha,
Niriiragura nk'omubiri gw'ekikoona,
12 #
Kyesh 1:15. Amaisho ge ni nk'ag'enkombe eziri aha mugyera,
Googiibwe amate, geemi gye;
13Enshaya ze ni nk'akasiri k'emigaju erikutaamirana,
Eminwa ye ni nk'emyangangye erikutoonya sumuruna erikuyagayaga.
14Engaro ze ni nk'empeta z'ezaabu ezirimu berulo;
Omubiri gwe ni nk'emiino y'enjojo ebaizirwe, ehunzirwe n'otubaare twa safiro;
15Amaguru ge ni nk'enyomyo za marimaari,
Ezibyairwe omu biina by'ezaabu nungi;
Emishusire ye ni nka Lebanooni,
Ni mirungi nk'emyereezi.
16 #
Zab 45:2. Emigambire ye ni mirungi munonga;
Buzimazima ni murungi weena.
Imwe baishiki ba Yerusaalemu 'mwe,
Ogwo niwe nkunzi yangye, kandi niwe munywani wangye.
Currently Selected:
Ekyeshongoro kya Sulemaani 5: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
