Ekyeshongoro kya Sulemaani 4
4
Oburungi bw'omugore wa Kristo
Kishwera
1 #
Kyesh 1:15; 6:5. Eshi ori murungi, nkunzi yangye,
Buzimazima ori murungi!
amaisho gaawe ni nk'ag'enkombe omu kyetwekyerero kyawe;
Eishokye ryawe ni nk'obusyo bw'embuzi
Ezibyami omu rukiizi rw'orushozi Gileadi;
2 #
Kyesh 6:6. Amaino gaawe ni nk'obusyo bw'entaama ezikyemwirwe,
Ezirikuruga kwogibwa;
Zoona zigira babiri, tihaine n'emwe efiisa.
3Eminwa yaawe ni nka karari,
N'akanwa kaawe ni karungi,
Enshaya zaawe ni nk'embari y'eikomamahanga
omu kyetwekyerero kyawe;
4 #
Kyesh 7:4; Neh 3:19; Ezk 27:11. Ebitsya byawe ni nk'omunaara gwa Daudi,
Ogwayombekyeirwe okubiikamu eby'okurwanisa,
Oguhanikirwemu engabo rukumi,
Engabo zoona ez'amamanzi ge;
5 #
Kyesh 7:3. Amabeere gaawe ni nk'abaana b'esirabo
Abarikuriira omu myangangye.
6 #
Kyesh 2:17. Okuhitsya obu buraasheeshe, ebibunda bikahwaho,
Niinyija kwegiira aha rushozi rwa sumuruna
N'aha kibungo ky'obubaane.
7 #
Kyesh 5:2; Efe 5:27. Nkunzi yangye, ori murungi weena,
Toine kamogo.
8 #
Bir 3:9; 1 Bus 5:23. Mugore wangye, ija turugye hamwe Lebanooni,
Turugye hamwe Lebanooni;
Naga amaisho nooyema aha mutwe gwa Amano,
Aha mutwe gwa Seniiri na Herumooni,
Ori omu nyanga z'entare, n'omu bibungo by'engwe.
9 #
Kyesh 5:1. Ontwaire omutima iwe munyaanyazi, mugore wangye;
ku ondeebeise oti eriisho, wantwara omutima
N'orukwanzi rw'omu maraka gaawe.
10 #
Kyesh 1:2-4. Rukundo yaawe ka ni nungi, munyaanyazi mugore wangye!
okukunda kwawe ka nikunkirira viinyo!
Kandi okutaamirana kw'amajuta gaawe nikunkirira emigaju y'emiringo yoona.
11 #
Enf 5:3; Hos 14:6. Eminwa yaawe, mugore wangye, neetoonya nk'omushongi;
Obwoki n'amate biri ahansi y'orurimi rwawe,
Okutaamirana kw'ebijwaro byawe ni nk'okwa Lebanooni.
12 #
Kut 29:3; Enf 5:15. Iwe munyaanyazi mugore wangye, ori omusiri oguzitiire,
N'enshuro eigaire, n'eziba eryatairweho akamanyiso;
13Ebibyairwe byawe n'omusiri gw'amakomamahanga
Ogweramu ebijuma birungi by'emiringo yoona,
Koferi n'otuti twa narada,
14Narada na karakoomu, kalamo na kinamoono,
N'ebiti byona eby'obubaane,
Surumuna na #4:14 Ahalooti n'ekirikumera ekirikushusha enkaka. ahalooti, n'eby'emigaju byona ebirikukira oburungi.
15 #
Yoh 4:10, 11. Ori enshuro eri ahagati y'emisiri,
Ori eiziba ery'amaizi g'amagara,
N'emigyera erikushuuma neeruga Lebanooni.
Kishwerwa
16 #
Kyesh 6:2. Iwe muyaga gw'aha bukiizi-bwa-bumohso 'we, sisiimuka;
Naiwe ogw'aha bukiizi-bwa-buryo, rugayo!
Huuha omusiri gwangye, omugaju gwagwo gutaamirane hoona.
Ka nkunzi yangye aije omu musiri gwe,
Arye aha bijuma bye ebirikukira oburungi.
Currently Selected:
Ekyeshongoro kya Sulemaani 4: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
