Ekyeshongoro kya Sulemaani 3
3
Okushrura Kristo n'okumubona
1 #
Kyesh 1:7; 5:6; Isa 26:9. Ku naabaire ndi aha kitanda kyangye nyekiro,
Naasherura ou omutima gwangye gukunda;
Naamusherura, kwonka tinaamureeba;
2Nikwo kugira nti: Ka nyimukye, ngyendagyende omu rurembo,
Omu nguuto n'omu nteeraniro z'emihanda,
Nsherure ou omutima gwangye gukunda.
Naamusherura, kwonka tinaamureeba.
3 #
Kyesh 5:7. Abarinzi abarikugyendagyenda omu rurembo bandeeba;
Naababuuza nti: Mwareeba ou omutima gwangye gukunda?
4 #
Kyesh 8:2. Ku naabaire naabarugaho nti,
Naareeba ogwo ou omutima gwangye gukunda,
Naamukwata, naayanga kumurekura,
Okuhitsya obu naamuhikize omu nju ya maawe,
Omu kishengye ky'owanzaire.
Kishwera
5 #
Kyesh 2:7. Imwe baishiki ba Yerusaalemu 'mwe,
Nimbarahiza esirabo n'ebuguma y'empara,
Mutasiisimura nkunzi yangye, n'obu kwakuba okumwimutsya,
Atakeeyendeire.
Kishwerwa
6 #
Kyesh 8:5. Oriya n'oha orikuruga omu ihamba,
Orikushusha enyomyo y'omwika,
Oyoteire sumuruna n'obubaane n'emigaju yoona ey'abashuubuzi?
7Reeba, n'engozi ya Sulemaani
Eyeehinguririziibwe abashaija b'amaani makumi mukaaga
Ab'omu mamanzi ga Israeli;
8Boona bahagatiire zaarurara, n'amahano omu kurwana;
Buri muntu aine rurara aha kibero kye
Ahabw'okutiina akabi nyekiro.
9Omugabe Sulemaani akeekorera engozi y'ekitiinisa
Omu miti ya Lebanooni;
10Yaakora enyomyo zaayo omu feeza,
Eky'okwegamira kyayo kyaba eky'ezaabu,
Aharikushutamwa yaahakoresa omwenda gwa bujwa,
N'omunda yaayo haakorwa abaishiki ba Yerusaalemu na rukundo.
11 #
Isa 3:16; 62:5. Imwe baishiki ba Saayuuni 'mwe, nimushohore,
Mureebe omugabe Sulemaani,
Aine ekirunga eki yaajwekirwe nyina
Aha izooba eri yaashwereireho,
Niryo izooba eri omutima gwe gwananukiireho.
Currently Selected:
Ekyeshongoro kya Sulemaani 3: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
