Ekyeshongoro kya Sulemaani 2
2
1Ndi nk'endungu ya Sharooni,
Omwangangye gw'omu mpita.
Kishwera
2Nk'omwangangye oku guba omu mahwa
Na nkunzi yangye nikwo aba omu baishiki.
Kishwerwa
3 #
Isa 32:2. Nk'omucungwa omu biti by'omu ihamba,
Nikwo nkunzi yangye ari omu batsigazi.
Nkashutama ahansi y'ekicuucu kye n'okushemererwa kwingi,
Ebijuma bye byannurira;
4Yantaasya omu nju y'obugyenyi,
Orurango rwe orwabaire ruri ahaiguru y'omutwe gwangye kukaba kuri okukunda.
5Mpimbuuza otuzaabibu, onduhuuze otucungwa;
Ahabw'okuba rukundo n'ey'okuunyita.
6 #
Kyesh 8:3. Nkaabaasibwa ki, omukono gwe gwa bumosho gunshegura,
N'ogwa buryo gungumbata!
Kishwera
7 #
Kyesh 3:5; 8:4. Imwe baishiki ba Yerusaalemu 'mwe
Nimbarahiza esirabo n'ebuguma y'empara,
Mutasisiimura nkunzi yangye, n'obu kwakuba okumwimutsya
Atakeeyendeire.
Kishwerwa
8Hurira! eiraka rya nkunzi yangye!
Ngugwo yaija aha nshozi naaguruka,
Naagurukagurukira omu bibungo.
9Nkuunzi yangye ni nk'esirabo, nari eshonga y'empara;
Reeba, ayemereire enyima y'orugo rwaitu,
Naaringuririrza omu madirisa,
Naayeyoreka nitumureebera omu mbazi zaago.
10Nkunzi yangye yaagamba nangira ati:
Imuka, nkunzi yangye, murungi wangye, tugyendane;
11Ahakuba reeba, katumba ehweire,
Obunaku bw'enjura buhingwire;
12 #
Yer 8:7. Ensi neetandika kurabya,
Obunaku bw'okweshongora bwahika,
N'eiraka ry'enkombe nirihurirwa omu nsi yaitu.
13 #
Kyesh 7:12; Mat 24:32. Omutiini nigwera ebijuma byagwo,
N'emizaabibu neerabya, neetaamirana emigaju,
Imuka, nkunzi yangye, tugyendane.
14 #
Kyesh 8:13; Yer 48:28. Nkombe yangye, otuura omu bwatika bw'orukiri
N'omu nyanga z'amabaare,
Ka nkureebe ahamaisho, mpurire eiraka ryawe;
Ahabw'okuba eiraka ryawe nirishemeza,
N'aha maisho gaawe ni harungi.
15Mutukwatire zaamuha,
Bwamuha obuto oburikushiisha emizaabibu,
Ahabw'okuba emizaabibu neerabya.
16 #
Kyesh 6:3. Nkunzi yangye n'owangye, naanye ndi owe;
Ariisiza obusyo bwe omu myangangye.
17 #
Kyesh 4:6; Yer 6:4. Okuhitsya obu burisheehsa, ebibunda bikahwaho,
Nkunzi yangye, kubuuka, obe nk'esirabo
Nari eshonga y'empara aha nshozi za Beteeri.
Currently Selected:
Ekyeshongoro kya Sulemaani 2: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
